روضتني عشقا ج٢ نورهان العشري
ابتسمت مني برقة تفيض بالأنوثة، وهى تغطي جسدها الملتحف بالكاد بالملاءة البيضاء، وردت بعذوبة : صباح الورد علي عيونك حبيبي
التقم عز شفتيها في قبلة شغوفة، ويداه ضمتا خصرها برفق، وهمس بصوت خفيض متحشرج يفيض بالشوق: وحشتيني… وحشتيني أوي يا روحي
ردت مني عليه بضحكة مشوبة بالغنج ، ويديها تتسلل برقة إلى رقبته من الخلف : وحشتك؟ وانا طول الليل كنت في حضنك يا عز!!
ارتفعت ضحكاته الرجولية بنغمة جذابة، وهمس في أذنها بعشق متوهج يختلط بالمرح، وهو يغرس وجهه في تجاويف عنقها بشوق وهيام : ولو.. حتى لو فضلت العمر كله كدا ، مش هيكفيني ولا هشبع… حضنك ده إدمان يا كروانتي
قهقهت مني بنعومة، وهي تضربه على كتفه بخفة : ينفع تبطل دلع وقلة ادب بقي .. وتقوم من عليا عشان ننزل نفطر
ارتفع بجذعه عنها، مد يده إلى الهاتف الداخلي، ثم طلب الإفطار لهما،
وعاد مجددًا ليغمر وجهه في دفء عنقها، يتنفس عطرها بعمق وإنتشاء، وقال بصوت أجش مكتوم جعل قلبها يخفق بجنون : فطارنا هيوصل لحد السرير .. علي مايجي سبيني كده أحس بنبضات قلبك… محتاج أصدق انك رجعتيلي يا مني.. بقالي كتير ما يجيش ليا نوم إلا بعد معافرة وتفكير كتير…
رفع عز وجهه نحوها، أمسك بوجنتيها بنعومة، وكأنها كنز يخاف عليه من الانكسار، ثم تابع بصوت يقطر صبابة، بينما لوعة العشق تحترق في عينيه السوداويتين : مني.. أوعديني… ماتفكريش تاني تبعدي عني..
لم تستطع مني أن تمنع نفسها من لمس خده الشائك برقة، وهي تتنهد بخفوت مع تأثر واضح في نبرتها، وعينيها مليئتين بالشوق والحنين : وانت فاكر يعني ان بعدي عنك كان سهل عليا يا عز!! انت ماتعرفش قد ايه دا كنت موجوعة وبتعذب؟
وضع عز جبهته على جبينها، وانفاسهما الحارة تتلاحم من شدة تقاربهما، وهو يقول بذات النبرة : عمري ما هاخليكي تحسي بالوجع دا تاني .. ايوه هفضل اغير عليكي بجنون .. بس مش هسمح للغيرة دي تدمرنا ولا تخليني اخسرك مرة تانية .. انا مش هقدر اعيش من غيرك تاني يا مني
احتضنت مني خصره برقة، وردت عليه بنبرة مفعمة بالعشق والوله : ولا انا هقدر اعيش بعيد عنك يا عز
رفع عز كفها نحو شفتيه، وطبع قبلة طويلة على راحة يدها، بينما ابتسامته تنطق بكل لهفته.
لم ينتظر لحظة أخرى، بل مال برأسه وأطبق شفتيه على شفتيها في قبلة ملتهبة عميقة، تحمل في طياتها حباً نارياً ذاب فيه خلاياها، كما حدث في تلك الليلة الماضية.
