خطايا بريئه ج٣
انكمشت معالم وجهها وتسألت بشدوه:
-أنا… طب ازاي … انت مش لاقي حاجة تعلق عليها اخطائك غيري مش كده!
نفى برأسه وهدر مبررًا بسخط وبكل ثقة وكأن ما يقوله هو المنطق في حد ذاته:
-لأ انتِ السبب قتلتي شغفي ووقفتِ حياتي بسلبياتك و روتينك الممل … انا محتاج ست تبقى قوية واثقة في نفسها وعندها طموح واقدر اعتمد عليها، ليصمت لبرهة يوليها ظهره يتحاشى النظر لها ثم يستأنف بمغزى يعلم انها ستتفهمه جيدًا:
-والأهم من كل ده تعرف ازاي تسعدني بالطريقة اللي انا حاببها…
كان ينتظر أنهيارها أو غضبها عليه ولكنها فاجأته بردة فعلها عندما أخذت تقهقه بملء صوتها وقولها بنبرة متهكمة جعلته يلتفت مستغربًا:
-وعلشان كده فكرت تكافئ الذكر اللي جواك وتتغاضى عن حاجات كتير أوي، يا حرااااااام…!!!!
قالت أخر كلمة بتعاطف مصطنع وبنبرة هازئة تعمدتها مما جعله يجعد حاجبه ويضيق عينه متأهب لبقية حديثها الذي تفوهت به بالفعل ولكن بعد أن هزت رأسها وأزاحت بسمتها شيء فشيء عن وجهها وبدلتها للأشمئزاز:
-برافو عليك بصراحة اختيارك موفق جدًا ويستاهل أنك تتنازل عن نخوتك وتقبل على نفسك تتجوز واحدة سمعتها زي الزفت، وكل ده ليه؛ علشان أنت حد غبي واناني ومفرقتش حاجة عن الحيوانات اللي غرايزهم بتتحكم فيهم يا “حسن”
قالت حديثها دفعة واحدة بوجهه دون لمحة ضعف واحدة بل بشراسة هجومية فاجأته كثيرًا وجعلته
لم يتمالك أعصابه بعد أن أهانت كبريائه كرجل ببراعة، فما كان منه إلا أن دفعها دفعة قوية من شدتها سقطت على الفراش خلفها متألمة مغمضة العينين، ليصرخ هو بها بإصرار مقيت نخر قلبها وزاد من آلامها:
-برضو مش هتعرفي تخليني اغير رأي يا “رهف” وانا غلطان إني كنت بحاول اطيب خاطرك وابرر ليكِ واعملي حسابك كتب كتابي بكرة وهاخدها واسافر
لو كانت الكلمات تقتل لكانت الآن لقت مصرعها على يده ولكنها صمدت رغم أنين قلبها، فلن تصرخ ولن تنهار باكية حتى لا تشمئز من ذاتها وتصبح مثيرة للشفقة أمامه، ولذلك لملمت شتاتها هادرة وهي ترفع رأسها بشموخ متحدية إياه بنظرات مستنفرة ضاربة بكل شيء عرض الحائط في سبيل أن تحتفظ ببقايا كبريائها الذي دهس تحت قدمه:
-لو فاكر باللي انت عملته ده أثبت أنك راجل تبقى غلطان، انت عملت كده علشان انا عريت حقيقتك البشعة اللي عمري ما اكتشفتها غير دلوقتي، لترشقه بنفور وتضيف بحسرة وبنبرة ممزقة من شدة خذلانها:
