خطايا بريئه ج٣
-حاولت كتير اخبي علشان صورتها في عينك متتهزش وقولت كفاية عليكِ تعرفي أنها انانية، وكنت بقول فكرتك عنها انها كده أحسن بكتير ما تكون خاينه
تهدلت دمعاتها بحزن يدمي القلب وصرخت مشككة وهي تنهض وتتحرك بعدم اتزان:
-انت اكيد غلطان انت بتقولي كده علشان اكرهها ومفكرش فيها اكيد داده قالتلك… صح
نفى برأسه وصرح لها:
-دي الحقيقة يا “ميرال” انا لما اكتشفت علاقتها بالتاني واجهتها وكنت فاكر انها هتنكر أو تترجاني وتطلب مني اسامحها بس هي كانت بجحة وبررت انها بتحبه وكمان طلبت الطلاق علشان تبقى معاه؛ كنت هقتلها بس خوفت اسيبك لوحدك بوصمة عار العمر كله وعلشان كده قررت اعاقبها بطريقة تانية، محستش بنفسي غير وانا بضربها وبكسر البيت كله وبعد كده طردتها وطلقتها ورفضت اخليها تاخدك معاها ورغم أنها حاولت كتير تأثر عليا أنها تاخدك بس انا رفضت، ولما فكرت فيكِ وشُفت أد ايه أنتِ محتجاها قُلت حرام احرمك منها؛ فخيرتها انها تبعد عنه وتعيش ليكِ وبس وكنت هتكفل بيها بس هي رفضت واخترته، وقتها كان غضبي عاميني وكبريائي بينقح عليا و مقدرتش امنع نفسي من اذية الراجل اللي فضلته عليا؛ خسرته شغله و لفقت له قضية وقبل ما يتم الحكم فيها هرب برة البلد و أخدها معاه
نفت برأسها بهستيرية وتسألت من جديد ولكن تلك المرة بنبرة مختنقة معاتبة من بين شهقاتها الحارقة:
-وانا كان ذنبي ايه في كل ده ليه كل واحد فيكم قرر يعند و ينتقم من التاني بيا
انت حرمتني منها وهي اثبتت لك انها محت الماضي ونست وجودي، واكتفت براجل تاني وبحياة تانية عن الدنيا كلها
نهض “فاضل” وحاول تهدئتها بعيون مثقلة بالحزن:
-ده كان اختيارها يا بنتي وانا عمري ما فكرت أأذيكِ انا عملت كل ده علشان احافظ عليكِ هي كانت عايزة تاخد من الدنيا كل حاجة بس انا مكنش هاممني غيرك
ارتمت على طرف الفراش و وضعت يدها على وجهها وظلت تنتحب بقوة وكانها فقدت عزيز لتوها، مما جعل دمعاته تشاركها بؤسها و يجاورها ويحتضنها قائلًا بحنو وبملامح متهدلة بحزن وحديث “محبة” يتردد بعقله يذكره بمحاولة انتحارها وكيف كان سيفقدها لولآ تدخلها في اللحظة الأخيرة:
-حقك عليا…انا عارف أن الشغل واخد كل وقتي وبعيد عنك بس كل ده علشانك وعلشان اضمن لك مستقبلك… اهدي يا بنتي علشان خاطري انتِ الحاجة الحلوة الوحيدة في حياتي وعايش علشانها بلاش تعملي في نفسك وفيا كده ليقبل رأسها بحنو ابوي ويستأنف بقلب أب يخشى فقدان فلذة كَبِده:
