خطايا بريئه ج٣
ولكن حين خرجت له تدلى فكه وهو يراها ترتدي ذلك الثوب الذي يلتصق على جسدها وكأنه جلد ثان لها وهدر قائلًا:
-ايه ده انتِ هتخرجي كده ؟؟
أعتلى حاجبيها وقالت بثقة وهي تتطلع لهيئتها بالمرآة أمامه بكل ثقة :
-اه يا “سُونة” ماله كده!
هب واقفًا وأجابها بحدة:
– ماله ايه، وزفت ايه؟ الفستان ضيق جدًا ده لبستيه ازاي مستحيل اسيبك تنزلي كده روحي غيريه
زفرت حانقة واعترضت:
-بس هو عاجبني ومش هغيره وبعدين مالك يا “سُونة” ما أنا كنت بلبس زيه قبل ما نتجوز وكنت بتتهبل عليا
تأفف بغيظ وبكثير من التناقض قال وهو يطفئ سيجارته المشتعلة بكعب حذائه:
– الوضع اختلف، دلوقتي أنتِ مراتي وشايلة اسمي.
قهقهت هي بصخب وإجابته دون حياد عن رأيها:
-بس أنا مش هغيره ومتهيئلي أنت اتجوزتني كده وقبلت تشيلني أسمك؛ وانا برضو كده ومش هغير ستايلي ونمط حياتي علشان أفكار رجعية ملهاش قيمة
لم يروقه حديثها وهدر منفعل:
-“منار “مش بحب الاسلوب ده
حانت منها بسمة مغوية أثناء اقترابها منه وقالت بنبرة متلاعبة وهي تعبث بأناملها المطلية في تلك الشعيرات الظاهرة من فتحة قميصه:
-اهدى يا “سُونة” متتعصبش وتبوظ مودي وبعدين أنا هبقى معاك ومفيش حد هيقدر يرفع عينه فيا علشان معايا أجمد راجل في الدنيا وكفاية اوي أنك مالي عيني.
ختمت حديثها وهي تضع قبلة عابرة أعلى فمه كي ترضي تلك النزعة وحين بدا يلينزويقترب منها دفعته برفق وببسمة ماكرة نفت بسبباتها أمام وجهه وقالت بهمس مغري للغاية:
-مش دلوقتي لما نرجع.
لتضيف بنبرة تقطر بالفتنة وهي تقرص وجنته:
-هستناك في العربية ياريت متتأخرش يا “سُونة”علشان بتوحشني
قالتها وابتعدت عنه تسحب حقيبتها كي تسبقه دون أن تعطيه أي مجال للرد وكأنها تود أن تثبت لذاتها قبل منه أنها لن تخضع وتكون نسخة ثانية من تلك الغبية التي سخط عليها.
(ميراكريم)
———————
كانت حريصة على افتتانه بها بكل الطرق أثناء سهرتهم، تتلاعب على اوتاره بكل حرفية وتعلقه بها أكثر بتلك الطريقة التي رغم فجوجها إلا أنها كانت تجدي نفع معه فقد تعمدت أن تجعله دائمًا تواق لها مستخدمة أحد حيلها الذكية التي تأكدت من تأثيرها حين همست بأذنه بطريقة مغوية بكلمات تصيبه بالجنون …
فقد تصلب جسده؛ ولذلك قرر في التو أن ينهي سهرته .
ليؤشر للنادل ويعطيه بطاقته الائتمانية كي يسدد ثمن فاتورة الطعام
