وجلا الليل ج٢ ذكيه محمد
انفجرت باكية وهي تقول :- حرام عليك هملني لحالي أنا تعبت وفاض بيا .
أردف بندم وهو يمسد على خصلات شعرها :- حقك علي يا وچد متزعليش أنا خابر زين كيف هچيبلك حقك .
رفعت رأسها صوبه أردفت بصدمة :- انت…انت وعيت للي حصل ؟
هز رأسه قائلاً بضيق :- أيوة وعيت للي حصل وأنا محقوقلك أمسحيها فيا أنا المرة دي .
أردفت بمرار :- بس انت مصدقتنيش كنت بتصدقها هي وتلطش فيا أنا من غير ما توعى على الحقيقة أمي كان عنديها حق لما قالتلي أنكم مش من توبنا يا ريتني اسمعت كلامها مكانش چرالي اللي چرالي .
أردف بروية :- وه حديت إيه دة اللي بتقوليه دة عاد !
أردفت بوجع :- قبل ما يكون دة كلام أمك وإهانتها ليا كان كلامك انت اللي سميت بيه بدني .
أردف بتوتر :- دة قبل ما أعرفك زين اعذريني كنت فاكرك مزقوقة علي وإن في حد قالك تعملي إكدة وكمان …….
صمت قليلاً ثم أردف بحرج و خذي :- وقتها كنت رايد بت عمي فمكنتش واعي لحاچة تاني .
ابتعدت عنه ونظرت له بعينيها الرمادية التي تحول لونها إلى الأحمر وهتفت بعتاب :- يعني انت بطلت تحبها ! أهي چارك أهة هتعوز إيه أكتر من إكدة ؟
زفر بضيق وهتف بهدوء :- وچد هي خلاص طلعت من حساباتي دلوَّك دي بت عمي مش أكتر ولا أقل .
نظرت له و أردفت بأمل :- يعني انت مهتحبهاش دلوك؟
هتف بتأكيد :- أيوة مبحبهاش هي كيف أختي وبس أصل سمعت بنصيحة واحدة قالتلي” حبني أنا متحبهاش هي ” .
أردفت بغيرة واضحة وحدة :- واحدة تاني ! مين دي يا خالد هو أنا مش هخلص إياك اخلص من واحدة تطلعلي التانية ! دة إيه الغُلب دة يا ربي .
ضحك بخفة قائلًا :- يا هبلة بطلي چنان وإهدي هبابة .
دفعته بغضب وهمت بالمغادرة إلا أنه احتجزها بين ذراعيه والجدار من خلفها وأردف بعبث :- طيب مش تعرفي مين الواحدة دي ؟
هزت رأسها برفض قائلة بتذمر :- لاه معاوزاش اعرف حاچة بعد وهملني لحالي .
اقترب منها وهمس إلى جوار أذنها مما أسرى قشعريرة بداخلها فور قربه المهلك لها :- الواحدة دي اسمها وچد .
اتسعت عيناها بصدمة وهي تطالعه وكأنه تسأله بنظراتها هل هو جاد فيما يقول أم يعبث معها .
أومأ برأسه وقد قرأ ما يوجد بعينيها قائلاً بصدق :- أيوة أنا بتكلم صوح انتي من أول يوم چيتي فيه إهنة وفي حاچة چواتي إتشدتلك كنت بعاند نفسي وبنكر كل إحساس بحسه چارك ومعاكي كنت بقسى عليكي عشان ما أظهرش شوقي ولهفتي ليكي كان غروري مانعني عن حچات كتير بصيتلك من زاوية غلط ولما وعيتلك صوح ندمت على كل حاچة قولتهالك وعملتها أنا محقوقلك قوي يا وچد حقك علي . بقلم زكية محمد
