يوم ما سلمتها دهبي امانه ج١ منال علي

الجزء الاول
أنا اللي خفت على دهبي من الحرامية والأغراب… رحت سلّمته لحماتي أمانة بإيدي. مكنتش أعرف إن أصعب ۏجع في الدنيا، هو الطعڼة اللي بتجيلك من الإيد اللي اتمدت لك بالسلام، وإنت حاطط في بطنك بطيخة صيفي ومأمن للي قدامك لحد العمى! حكايات منال علي
اسمي ندى، وعمري ما كنت من الستات اللي غاوية منظرة وتكويم دهب، ولا من اللي بيحبوا يتباهوا بالغوايش والسلاسل قدام خلق الله في الرايحة والجاية. كل حتة صاغة كانت في علبتي مكنتش مجرد جرامات عيار واحد وعشرين… لأ، دي كانت شقفة من روحي، وكل قطعة وراها ۏجع قلب وفرحة وذكريات عمر.
الشبكة الرقيقة اللي نقاها معايا جوزي طارق يوم خطوبتنا وهو وشه منور وبيقولي عارف إنها على قد الإيد يا ندى، بس بكرة ربنا يفتحها عليا وأغرقك دهب من ساسك لراسك. والغويشتين التقالتين اللي جابهوملي أبويا الحاج رجب يوم فرحي،

وهو بيحط إيده على راسي وعينه مدمعة وبيوصيني دول سترتك يا بتي، وعاوزك دايماً رافعة راسك وأحسن عروسة في الدنيا كلها. والسلسلة اللي فيها تعليقة آية الكرسي اللي طارق فاجئني بيها بعد أول سنة جواز وشهور الغربة المرة في الكويت، يوم ما دخل عليا وطبطب على كتفي بحنية وقال دي عشان وقفتك جنبي ورضاكي بقليلي وأصلك الطيب يا بنت الأصول.
متوفره على روايات واقتباسات
يمكن تمن الدهب ده في ميزان الدكاكين يوزن ملاليم أو ألوفات، بس غلاوته في قلبي كانت توزن جبال؛ لأنه مكنش فلوس… ده كان كرامتي وتعب السنين وأماني لبكرة.
الحكاية بدأت قبل الکابوس ده بأسبوع بالتمام والكمال. كان عندنا فرح سماح بنت عمي في الشرقية، والبيت كله كان مقلوب. أمي وأخواتي رايحين جايين، والشنط بتتحزم، وكل العيلة بتستعد للسفر عشان نقضي أسبوع الفرح ولمة الأهل. وفي نفس الأيام النحس دي،
منطقتنا في شبرا كانت مقلوبة رأساً على عقب والدنيا هايجة على حس عصابة سرقات مشپوهة. حكايات منال علي
كل يوم الصبح نصحى على صويت وعويل في الشارع؛ شقة في العمارة اللي ورانا اتكسر كالونها… بيت الحاجة أم محروس اتسرق في وضح النهار… وواحدة جارتنا رجعت من السوق لقت دولابها مخلوع ودهبها فص ملح وداب.
ومن أول ما السيرة دي طلعت، وقلبي واكلني ومش على بعضي خالص. بقيت أروح وأجي في الشقة، أدخل الأوضة وأفتح الدولاب، أطلع علبة القطيفة الكحلية وأكلم نفسي زي المچنونة
أسيب الدهب هنا في الشقة لوحده وأسافر أسبوع بحاله؟ طب أخده معايا في الشنطة والشارع مفيهوش أمان والطرق بتتقطع؟ أعمل إيه بس يا ربي؟
مسكت التليفون ورنيت على طارق في الغربة. أول ما سمع صوتي المتردد قال بقلق
خير يا ندى؟ مال صوتك مخڼوق كده ليه؟ العيال فيهم حاجة؟
رديت بصوت بيترعش
لأ يا طارق، العيال
كويسين،