اشتريت عربيه BMW قديمه انجي الخطيب
لكن اللي صدمّني أكتر إن تحت التوقيع كان فيه اسم:«فاروق الشناوي.»قلت:«إيه ده؟»داليا قالت:«اتفاق بين أبوك وفاروق.»عماد قرب بسرعة:«هاتيه.»مدتله الموبايل. قرأ الورقة وسكت. قلت:«عماد… إنت عارف الورقة دي؟»قال:«أيوه.»«إيه المكتوب فيها؟
»قال:«إن أبوك كان مسؤول عن جزء من الأموال، وإن لو حصل له أي حاجة، كل المستندات هتتحول لشخص واحد.»قلت:«مين؟»رفع عينه وبصلي.«إنت.»رجعت خطوة.«أنا؟»قال:«أبوك كان بيحاول يحميك من غير ما تعرف.»سكتنا. وبعدين داليا قالت:«بس فيه حاجة أخطر.»بصيتلها.
قالت:«الورقة دي مش كاملة.»قلت:«يعني إيه؟»قالت:«الصفحة الأخيرة مفقودة.»عماد قال:«والصفحة الأخيرة هي اللي فيها اسم الشخص اللي استلم كل المستندات بعد مو. ت أبوك.»قلت:«ومين استلمها؟»داليا بصت لعماد. عماد ما اتكلمش. قلت:«عماد…»فضل ساكت.
قلت:«إنت؟»هز راسه.«أيوه.»اتعصبت:«إنت استلمت مستندات أبويا؟!»قال:«أبوك طلب مني أحميك.»صرخت:«تحميني بإخفاء الحقيقة عني؟!»قال:«لو كنت عرفت من بدري، كنت هتتق. تل قبل ما توصل للعربية.»قلت:«ومين اللي كان عايز يق. تلني؟»سكت. وفجأة داليا قالت:«مش فاروق.»بصينا لها. قالت:«فاروق كان بيحاول يخوفك بس.»قلت:«أمال مين؟»قالت:«مروان.
»عماد قال بسرعة:«إنتي متأكدة؟»قالت:«أنا شفت بعيني.»قلت:«شفتي إيه؟»قالت:«يوم ما اختفى حسام، شفت مروان خارج من مكتبه وهو ماسك شنطة سوداء. وبعدها بساعات، حسام اختفى.»قلت:«ليه ما قلتيليش؟»قالت:«لأني كنت خايفة.»سكتنا. وبعدين عماد قال:«لازم نتحرك دلوقتي.
»قلت:«على فين؟»قال:«شركة الشناوي.»بصيتله:«إنت مجنون؟»قال:«الخزنة هناك.»قلت:«ومروان هناك.»قال:«وده السبب إننا لازم نروح قبل ما يعرف إن المفتاح معاك.»بصيت للمفتاح في إيدي. كان مفتاح صغير قديم، عليه رقم محفور:«317».قلت:«إنت عارف الخزنة رقم كام؟»قال:«317.»خرجنا من الشقة. ركبنا عربية عماد، وداليا ركبت معانا.
طول الطريق محدش اتكلم. ولما وصلنا قدام مقر الشركة، كان الوقت قرب منتصف الليل. المبنى كله كان ضلمة إلا الدور الأخير. بصيت لفوق. قلت:«المكتب بتاع فاروق منور.»عماد قال:«يبقى مستني حد.»دخلنا من باب جانبي كان عماد عارف مكانه.
طلعنا السلم بدل الأسانسير. لحد ما وصلنا للدور التالت. عماد وقف قدام باب صغير في آخر الممر. طلع المفتاح. فتحه. جوا كان فيه غرفة أرشيف قديمة. ريحة ورق وتراب. دورنا لحد ما لقينا خزنة حديد كبيرة. عليها رقم:317.
