اشتريت عربيه BMW قديمه انجي الخطيب
أنا وعماد بصينا لبعض. المفتاح لف. الباب اتفتح. ودخلت ست في الأربعينات. كنت أعرفها. والمفاجأة إنها كانت آخر شخص أتوقع أشوفه. داليا. خطيبتي السابقة. بصتلي ودموعها في عينيها وقالت:«كريم… أنا آسفة.»قلت:«إنتي بتعملي إيه هنا؟
»قالت:«أنا اللي بعتلك أول رسالة.»عماد قام فجأة. قال:«داليا… إنتي ماكانش المفروض تيجي هنا.»بصتله وقالت:«أنا مضطرة.»وبعدين حطت ظرف صغير على الترابيزة. وقالت:«قبل ما تسألني ليه رجعت… افتح الظرف.»فتحته. كان جواه مفتاح قديم. وتحته ورقة واحدة. قريتها.«المفتاح ده بيفتح خزنة أبوك.
.. والخزنة مش في البيت القديم.»بصيت لداليا. قالت:«الخزنة موجودة جوه شركة الشناوي نفسها.»وقبل ما ألحق أتكلم، موبايلي رن. الرقم كان مسجل باسم واحد ما شفتوش من عشر سنين. اسم أبويا. فتحت الخط وأنا مش قادر أتنفس. وجالي صوت مسجل قديم بيقول:«يا كريم… لو سمعت صوتي، يبقى أنا مت.
.. بس أوعى تصدق كل اللي هتسمعه عني.»وبعدها مباشرة جملة واحدة:«والشخص اللي هيوصلك للحقيقة… هيكون أقرب ليك مما تتخيل.»رفعت عيني لداليا. ثم لعماد. وفي اللحظة دي فهمت إن واحد من الاتنين اللي قدامي…كان عارف الحقيقة من البداية.
لكن مين؟فضلت واقف أبص لداليا وعماد، وكل واحد فيهم ساكت كأنه مستني التاني يتكلم. قلت:«واحد فيكم عارف الحقيقة من الأول… وأنا عايز أعرف مين.»داليا بدأت تعيط وقالت:«كريم، أنا مش ضدك.»ضحكت بسخرية:«غريبة… دي أول مرة أسمع الجملة دي منك بعد ما سبتيّني بسبب نفس الناس اللي أنا بحاول أكشفهم.
»نزلت عينيها وقالت:«أنا ما سبتكش عشان الفلوس ولا عشان المشاكل.»قلت:«أمال ليه؟»قالت:«عشان هددوني بيك.»سكت. قربت منها:«مين؟»قالت:«الحاج فاروق.»عماد اتدخل:«إنتي ماكنتيش تعرفي حاجة وقتها.»بصتله وقالت:«كنت أعرف أكتر مما تتخيل.»وبعدين بصتلي:«قبل ما أسيبك بأسبوع، فاروق قابلني بنفسه.»قلت:«وقالك إيه؟
»قالت:«قاللي إن لو كملت معاك، هيخليك تخسر كل حاجة… وبعدها هيوصلك لمرحلة إنك تتمنى المو. ت.»سكت شوية. قالت:«وقتها أنا خفت.»قلت:«فسبتيني.»هزت راسها وهي بتعيط:«أيوه.»قلت:«وكان عندك دليل على كلامه؟»طلعت موبايلها وفتحت صورة. كانت صورة لورقة قديمة. وقالت:«دي وصلتلي بعد ما سبتك بأسبوع.»قربت الشاشة. كان فيها توقيع أبويا.
