اشتريت عربيه BMW قديمه انجي الخطيب
رجعت لورا، وفجأة سمعت صوت المفتاح بيتحرك في كالون باب الشقة. حد كان بيحاول يفتح. جريت ناحية المطبخ، وخ. طفت سكي. نة صغيرة من على الرخامة، وأنا عارف إنها مش هتعمل حاجة قدام ناس مسلحة، لكن على الأقل مش هقف مستسلم. المفتاح لف مرة. وبعدين مرة تانية. وفجأة الباب اتفتح.
لكن اللي دخل ماكانش مروان. كان عماد. وشه كان مليان تراب، وإيده بتنـزف من جرح صغير، لكنه كان واقف على رجليه. بصلي وقال:«متبصليش كده… الطلقة كانت في الحيطة.»قلت:«ومروان؟»قال:«هرب.»قلت:«والراجل التاني؟»عماد بصلي لحظة وقال:«مين؟
»قلت:«كان فيه شخص تاني واقف جنبك تحت الباب.»وشه اتغير. وقال:«يبقى عرف إنك هنا.»قلت:«مين؟»قفل الباب وراه بسرعة وقال:«اللي قت. ل حسام.»قربت منه وقلت:«إنت عارفه؟»قال:«أنا شوفته بعيني.»قلت:«مين؟»سكت. وبعدين قال:«الحاج فاروق.»اتخنقت من الصدمة. قلت:«إنت بتقول إيه؟»قال:«أنا كنت مع حسام آخر ليلة في حياته.
كنا فاكرين إننا هنقدر نهرب بالمستندات. لكن فاروق لحقنا.»قلت:«طب حسام مات إزاي؟»عماد نزل عينه للأرض.«حسام اتق. تل قدامي.»سكت لحظة، وبعدين كمل:«بس قبل ما يمو. ت، إداني نسخة من كل المستندات، وقاللي جملة واحدة: لو أنا مت، دور على كريم.
»قلت:«ليه أنا؟»عماد رفع عينه وبصلي:«عشان أبوك كان الوحيد اللي يقدر يفضح فاروق.»قلت:«أبويا مات من عشر سنين!»قال:«مات بعد ما حاول يخرج من اللعبة.»حسيت إن نفسي اتقطع.«لعبة إيه؟»عماد قعد على الكرسي وقال:«قبل ما تتولد، أبوك كان شغال مع فاروق في تجارة العربيات.
مش مجرد سواق زي ما كنت فاكر. كان شريك معاه في استيراد عربيات من بره، وكان هو اللي ماسك الحسابات الحقيقية.»قلت:«وبعدين؟»قال:«اكتشف إن فاروق بيهرب فلوس وبيسجل عربيات بأسماء شركات وهمية. أبوك هدد إنه يفضحه.»قلت:«وفاروق ق. تله؟
»عماد هز راسه:«مش بشكل مباشر. بس هو السبب في اللي حصل له.»وقفت قدامه.«يعني إيه؟»قال:«ضغط عليه، هدده، وخلاه يخسر كل حاجة. وبعدها حصلت حادثة العربية اللي مات فيها.»سكت شوية، وبعدين مد إيده لجيب الجاكيت وطلع صورة قديمة. حطها قدامي.
كانت صورة لأبويا وهو واقف جنب عربية BMW قديمة. نفس الموديل اللي اشتريتها من المزاد. بصيت للصورة وقلت:«دي العربية؟»قال:«أيوه.»قلبي دق بسرعة.«يعني العربية دي كانت بتاعة أبويا؟»قال:«كانت بتاعة أبوك… وبعدين اختفت.»بصيت للظرف اللي فيه الفلوس.
