اشتريت عربيه BMW قديمه انجي الخطيب
قلبي بدأ يدق بسرعة. دخلت المفتاح. لفيته. الخزنة اتفتحت. لكن ماكانش فيها فلوس. ولا دهب. ولا مستندات. كان فيها دفتر أزرق. ومظروف أبيض. مسكت الدفتر. وقبل ما أفتحه، داليا قالت:«كريم… استنى.»بصيتلها. قالت:«المظروف الأول.»فتحته. طلعت منه ورقة.
قرأت أول سطر:«إلى كريم… ابني.»إيدي بدأت ترتعش. كملت القراءة:«لو وصلت للخزنة دي، يبقى كل الناس اللي وثقت فيهم خانوا بعض، وكل شخص قرب منك عنده سبب يخبيه.»بصيت لعماد. ثم لداليا. وكملت:«لكن فيه شخص واحد فقط كنت واثق إنه هيحميك مهما حصل.
»قلبت الصفحة. ولقيت اسم الشخص. اتجمدت مكاني. الاسم كان:«داليا.»رفعت عيني ناحيتها. هي كانت بتعيط. قلت:«إنتي كنتي عارفة إن أبويا كتب عنك؟»قالت:«أيوه.»«من إمتى؟»قالت:«من يوم ما فاروق طلب مني أسيبك.»قلت:«وليه ما قلتيليش؟»قالت:«لأن أبوك كان موصيني بحاجة واحدة.»قلت:«إيه؟
»قربت مني وقالت:«قاللي: لو كريم عرف الحقيقة بدري، هيمو. ت… ولو عرفها في الوقت الصح، هو الوحيد اللي يقدر يوقفهم.»وقبل ما أقدر أرد، سمعنا تصفيق بطيء من عند باب الغرفة. صفقة. وبعدها صفقة تانية. اتلفتنا. مروان كان واقف عند الباب.
وفي إيده مسدس. ابتسم وقال:«برافو يا كريم… وصلت للخزنة.»عماد وقف قدامي. مروان رفع المسدس وقال:«بس للأسف وصلت متأخر.»بصيتله وقلت:«إنت ق. تلت حسام؟»ابتسامته اختفت. قال:«حسام كان لازم يمو. ت.»سكت. وبعدين قال:«لكن أبوك… هو اللي بدأ كل حاجة.»قلت:«إنت كداب.
»مروان ابتسم وقال:«افتح الدفتر يا كريم.»قلت:«ليه؟»قال:«عشان تعرف مين كان أبوك بجد.»فتحت أول صفحة. وفي أول سطر كان مكتوب:«أنا فاروق الشناوي… أكتب اعترافي لأول مرة.»رفعت عيني لمروان. قال:«اقرأ يا كريم.»وبصوته الهادي أضاف:«عشان بعد الصفحة دي.
.. مش هتقدر تكره الشخص اللي كنت فاكره عدوك.»فتحت الدفتر بإيدي المرتعشة، وبدأت أقرأ أول صفحة بصوت مسموع.«أنا فاروق الشناوي… ولو الدفتر ده وصل لكريم، يبقى أنا فشلت في إني أدفن الحقيقة معايا.»رفعت عيني لمروان. كان واقف ساكت، لكن لأول مرة شفت الخوف الحقيقي في عينيه.
كملت:«كريم فاكر إن أبوه مات في حادثة، لكن الحقيقة إن الحادثة كانت مدبرة، وأنا كنت السبب فيها… بس مش بالطريقة اللي هو متخيلها.»عماد قال:«كمل.»قلبت الصفحة.«أبو كريم اكتشف إن مروان كان بيسحب فلوس من الشركة من غير علمي، وبيحوّلها لحسابات خارجية.
