اشتريت عربيه BMW قديمه انجي الخطيب
وقفت شوية من غير كلام. وبعدين قلت:«كنت زعلان منك يا أبويا… بس دلوقتي فهمت إنك حاولت تحميني بطريقتك.»حطيت وردة صغيرة على القبر ومشيت. أما داليا، فبعد كل اللي حصل، ما حاولتش أرجع لها بسهولة. قعدنا شهور نتكلم ونفهم اللي حصل بينا.
وفي يوم قالتلي:«أنا عارفة إني خذلتك، ومش مستنية إنك تنسى.»بصيتلها وقلت:«أنا مش ناسي… بس يمكن أقدر أسامح.»ابتسمت وهي بتعيط. والحياة بدأت ترجع تمشي واحدة واحدة. اشتريت شقة صغيرة، وفتحت مكتب محاسبة خاص بيا. لكن أكتر حاجة احتفظت بيها كانت الـBMW القديمة.
العربية اللي اشتريتها بـ2500 جنيه، واللي بسببها عرفت أكبر سر في حياتي. بعد سنة تقريبًا، كنت واقف بنضفها زي أول يوم. فتحت درج التابلوه، لقيت ورقة صغيرة ما شفتهاش قبل كده. قلبي دق. فتحتها. كان مكتوب بخط حسام:«يا كريم، لو وصلت للنهاية، يبقى أنت نجحت.
بس افتكر حاجة… الفلوس بتضيع، العربيات بتتباع، والناس بتمو. ت… لكن الحقيقة لو خرجت للنور، عمرها ما بترجع تتدفن.»ابتسمت، وطويت الورقة وحطيتها جنب جواب أبويا. وبصيت للعربية وقلت:«طلعتي أغلى عربية اشتريتها في حياتي… مش عشان سعرها، عشان غيرتي حياتي كلها.»دورت المحرك. الموتور اشتغل بعد محاولتين.
ضحكت. ودست بنزين خفيف. وأنا خارج بالعربية، بصيت في المراية. لأول مرة من سنين، ما شفتش ورايا خوف ولا مطاردة ولا ناس بتجري ورايا. شفت طريق طويل مفتوح قدامي. وساعتها فهمت إن أوقات كتير، الحاجة اللي بنفتكرها مصيبة…
بتكون هي نفسها الباب اللي ربنا بيخرجنا منه لحياة جديدة. وأنا كنت فاكر إني اشتريت عربية قديمة بـ2500 جنيه…لكن الحقيقة إني اشتريت أول فرصة في حياتي أعرف بيها الحقيقة، وأبدأ من جديد. تمتحكايات الكاتبة انجي الخطيب
