اشتريت عربيه BMW قديمه انجي الخطيب
كان واقف جنب الحاج فاروق، وحاطط إيده على كتف حسام. وتحت الصورة مكتوب:«أول اتفاق… قبل ما كريم يتولد بسنتين.»قبل ما ألحق أفهم أكتر، سمعت صوت عربية وقفت تحت العمارة. بصيت من الشباك.BMW سودا. مروان. لكن المفاجأة إنه ما نزلش منها.
اللي نزل كان راجل تاني. راجل لابس جاكت أسود، ومسك تليفون في إيده، ورفع عينه ناحية شقتي مباشرة. وبعدها دخل العمارة. جريت ناحية الباب وقفلته بالمفتاح. لكن قبل ما أتحرك، سمعت خبطتين خفيفين. وبعدين صوت الراجل:«يا كريم… أنا مش جاي أخد الفلوس.»سكت. قال:«أنا جاي أقولك مين ق. تل حسام.
»قربت من الباب. قلت:«مين؟»جالي الرد:«أبوك.»حسيت إن الأرض اتحركت من تحتي. قلت:«إنت بتكدب.»قال:«كنت أتمنى أكون بكدب.»قربت من العين السحرية، لكن الراجل كان واقف على جنب، مش ظاهر بالكامل. قلت:«إنت مين؟»قال:«اسمي عماد… وكنت شريك أبوك.»اتنفست بصعوبة. قلت:«شريك في إيه؟»سكت لحظة.
وبعدين قال:«في أول صفقة دخلت منها عيلة الشناوي عالم الملايين.»وقبل ما أفتح الباب، سمعت صوت خبط شديد من السلم. عماد همس:«وصلوا.»قلت:«مين؟»قال:«مروان ومعاه رجالة.»وبعدين صوته اتغير:«كريم، اسمعني كويس… لو فتحتلي الباب، هحاول أطلعك من هنا. لو ما فتحتش، هما هيكسروا الباب.
»بصيت ناحية الشباك. الشقة في الدور التالت. مفيش مخرج. والباب بدأ يهتز تحت ض. ربات قوية. مروان صاح من بره:«كريم! آخر فرصة! سلّم الفلوس والفلاشة وهتخرج من هنا سليم!»بصيت للظرف. وبصيت للفلاشة. وبعدين افتكرت أبويا. طول عمري كنت فاكره راجل بسيط مات وهو مديون.
وفجأة اكتشفت إن فيه جزء كامل من حياته مخبيه عني. خبط الباب مرة تانية بعنف. صوت الخشب بدأ يطقطق. عماد قال:«كريم… افتح!»مسكت الظرف والفلاشة، وروحت ناحية الباب. لكن قبل ما أفتح، افتكرت جملة حسام:«ما تثقش في أي حد… حتى الشخص اللي هيدّعي إنه جاي ينقذك.»وقفت. وبصيت تحت الباب.
كان فيه ظل رجل واقف برا. لكن الغريب…كان فيه ظل تاني. راجلين واقفين. عماد كان واحد. والتاني مين؟فجأة سمعت عماد بيصرخ:«كريم! ما تفتحش!»اتجمدت. وفي نفس اللحظة صوت مروان جه من بره:«معلش يا كريم.
.. اتأخرت عليك.»وبعدين سمعت صوت طلقة واحدة في السلم. وساد الصمت. فضلت واقف مكاني، مش قادر أتحرك. طلقة واحدة. وبعدها صمت. ثواني عدت كأنها ساعات. قربت من الباب وحطيت ودني عليه. سمعت صوت جسم وقع على الأرض. وبعدين صوت مروان:«خلاص… خدوه.»اتنفضت. مين اللي خدوه؟عماد؟ولا حد تاني؟
