الساعه 12:14 بعد منتصف الليل ج١
شروق خالد
الساعة 12:02.أنا داخل الأوضة. الساعة 12:27.الحارس بيعدي في الممر. الساعة 1:15.ولا حد. الساعة 2:40.ولا حد. الساعة 3:17…الصورة على الشاشة اهتزت. وقفت التسجيل. رجعته. مرة. واتنين. وفجأة ظهر ظل طويل عند آخر الممر. وقفت أنفاسي. كبرت الصورة. الراجل كان واقف قدام باب أوضتي. لكن الغريب…الكاميرا كانت بتصوره من الخلف. ومع ذلك، كان لابس نفس الملابس اللي ملك وصفتها. قميص غامق. ساعة في إيده. وعلامة صغيرة عند معصمه.
ملك قربت من الشاشة.«هو ده.»
بصيت لها.«متأكدة؟»
قالت:
«أيوه.»
رجعت التسجيل ثواني. الراجل دخل أوضتي. وبعد حوالي عشر دقايق خرج. لكن لما شغلت التسجيل على سرعة بطيئة، لاحظت حاجة. كان بيخرج وهو شايل حاجة في إيده. وقفت الفيديو. كبرت الصورة. كانت ورقة. قلت:
«الورقة دي…»
ملك بصت لي.«دي كانت في الدرج.»
فتحت الدرج بسرعة. الملف اللي كنت محتفظ بيه اختفى. الملف اللي فيه كل مستندات الشركة القديمة. وكل حسابات والدي. وكل الأوراق المتعلقة بوفاته. اتصلت بمدير الأمن.«عايزك تصحّي كل أفراد الحراسة.»
قال:
«حاضر يا أستاذ ياسين.
»
«ومحدش يخرج من البيت.»
سكت لحظة.«في مشكلة؟»
«نفذ بس.»
قفلت. بصيت لملك.«هتروحي لمامتك دلوقتي.»
قالت:
«بس أنا عايزة أساعدك.»
«ساعدتيني أكتر مما تتخيلي.»
نزلت من السرير، لكن قبل ما تخرج، وقفت وبصت لي.«يا أستاذ ياسين؟»
«نعم؟»
قالت:
«في حاجة أنا نسيتها.»
«إيه؟»
«الراجل لما كان بييجي… كان بيتكلم معاك.»
اتجمدت.«بيتكلم معايا؟»
«أيوه.»
«بيقول إيه؟»
قربت مني.
«كان بيقول لك نفس الجملة كل مرة.»
«إيه هي؟»
بصت في الأرض. وبعدين قالت:
«نام يا ياسين… عشان أبوك ما يعرفش إنك لسه عايش.»
حسيت كأن الأرض اتحركت تحت رجلي. أبويا؟أبويا مات من سبع سنين. أو…ده اللي كل الناس قالت لي. فضلت ساكت. ملك خرجت من الأوضة. وأنا فضلت واقف لوحدي. لو الجملة دي حقيقية، يبقى فيه شخص كان بيحاول يوصل لي رسالة. ولو والدي فعلًا مات…مين كان المقصود بكلامه؟فتحت اللابتوب وبدأت أبحث في الملفات القديمة.
بعد دقائق، لقيت تقرير الوفاة. التاريخ. المستشفى. توقيع الطبيب. كل حاجة كانت رسمية. لكن كان فيه تفصيلة واحدة عمري ما ركزت فيها. جثمان والدي لم يتم تسليمه للعائلة. اتصلت بالمحامي القديم للعيلة. رد بعد وقت طويل. قلت:
«عايز أسألك عن حاجة حصلت يوم وفاة أبويا.»
صوته اتغير.«بعد كل السنين دي؟»
«أيوه.»
«إيه اللي فكرك بالموضوع؟»
«هو جثمان أبويا اتدفن فعلًا؟
