مكالمه اخر الليل ج١ مشيره محمد
بس لو الشرطة كلمتك تاني، ما تقوليش أي حاجة من عندك. جاوبي على قد السؤال، فاهمة؟بصيت له وأنا بحاول أسيطر على رعشة صوتي.— طب ليه الظابط اللي اتصل بيا بالليل قال لي ما أصحيكش؟ إيده نزلت من على كتفي. ثانية واحدة بس، لكنها كانت كفاية.
— إنتِ بتقولي إيه؟— بقول إن ظابط شرطة اتصل بيا الساعة واحدة ونص، وقال لي إن العربية بتاعتك عملت حادثة وإن السواق مـ,ـات. ولما قلت له إنك نايم جنبي، قال لي ما أصحيكش وأخرج من الأوضة.
مارك فضل باصص لي. وبعدين ضحك ضحكة قصيرة، مفيهاش أي مرح.— وإنتِ صدقتيه؟— أنا مش فاهمة حاجة!— يمكن كان نصاب. يمكن حد عايز يخوفك عشان يوصل لي. فكري يا آنا، لو أنا فعلًا كنت متورط في حاجة، كنت هروح بنفسي للمشرحة مع الشرطة؟ كان كلامه منطقي بشكل يخوف.
لكن في حاجة واحدة ما قدرتش أتجاهلها. أنا سمعت صوت الظابط بوضوح، وكان عارف اسمي بالكامل، وعارف إن العربية مسجلة باسم مارك. سألته: — طب والراجل اللي مـ,ـات؟ ليه رقمك عنده؟مارك بعد عني، وخلع الجاكيت ورماه على الكنبة.
أنا سمعت صوت الظابط بوضوح، وكان عارف اسمي بالكامل، وعارف إن العربية مسجلة باسم مارك. سألته: — طب والراجل اللي مـ,ـات؟ ليه رقمك عنده؟مارك بعد عني، وخلع الجاكيت ورماه على الكنبة. — مش عارف.— والساعة اللي كانت معاه؟لف ناحيتي بسرعة.— إنتِ مالك بالساعة؟!صوته كان عالي لدرجة إني اتخضيت.
سكت لحظة، وبعدها أخد نفس طويل وقال: — أنا آسف. بس أنا مضغوط، وإنتِ عارفة إني مش بحب حد يتهمني بحاجة أنا معملتهاش. دخل الأوضة وسبني واقفة في الصالة. وبعد شوية سمعت صوت الدش شغال في الحمام. وقفت مكاني لحد ما اتأكدت إنه مش هيرجع فجأة، وبعدها طلعت تليفوني من جيبي.
كان عندي رقم الظابط اللي اتصل بيا بالليل، لأن المكالمة لسه موجودة في سجل المكالمات. اتصلت بيه. رد بعد رنتين.— ألو؟همست: — حضرتك يا فندم، أنا آنا هاريس. إنت اتصلت بيا امبارح بالليل بخصوص حادثة جوزي. سكت ثواني، وبعدها قال: — أيوه يا مدام آنا. كنت مستني مكالمتك.
قلبي بدأ يدق بسرعة.— أنا محتاجة أفهم. إنت ليه قلت لي ما أصحيش جوزي؟ وإزاي كنت عارف إنه نايم جنبي؟سمعت صوت ورق بيتحرك في الخلفية. وبعدين رد: — لأن الشخص اللي لقيناه في العربية كان معاه نسخة من مفتاح شقتكم، وصورة ليكي وإنتِ واقفة قدام بيتك.
