ابن المعلم الى رجع من الموت ج٢

حمدي فضل واقف مكانه، وإيده لسه قريبة من سلاحه، ووشه اتحول للون أصفر.«يا معلم… إنت مصدق الراجل ده؟»
رجب ما رمش حتى.«أنا سألتك ترفع إيدك عن سلاحك.»
حمدي رفع إيده ببطء.«والله يا معلم أنا عمري ما خنتك.»
وائل ضحك بسخرية.

«قول له بقى كنت فين ليلة مــ,,ـــــوت نادية.»
حمدي بص له بغضب.«إنت آخر واحد يتكلم عن الخيانة.»
رجب صرخ:
«اتكلموا واحد واحد!»
البيت كله سكت. كلارا كانت واقفة ورا باب الأوضة، حاضنة ليو، وقلبها بيخبط من الخوف. رجب قرب من حمدي.«ليلة مــ,,ـــــوت نادية… كنت فين؟

»
حمدي بلع ريقه.«كنت مأمور أراقب المخزن القديم.»
«مين أمرك؟»
حمدي سكت. رجب قرب أكتر.«مين؟»
«الأستاذ فؤاد.»
رجب اتجمد. فؤاد كان أخوه الكبير. الراجل اللي عاش معاه عمره كله، واللي كان أول واحد وقف جنبه لما بدأ يبني نفوذه.«فؤاد؟»
حمدي هز راسه.

«أيوه يا معلم.»
وائل قال بهدوء:
«وده بالضبط اللي نادية اكتشفته.»
رجب لف له.«إنت كنت عارف؟»
«كنت عارف إن فؤاد بيتواصل مع ناس برا العيلة. لكن نادية هي اللي اكتشفت إنه كان بيدبر حاجة أكبر.»
رجب قبــ,,ـــــض إيده.«ليه؟

»
وائل أشار للفلاشة.«شوفها وهتعرف.»
رجب أخد الفلاشة، لكنه قبل ما يتحرك، سمع صوت كلارا.«استنى.»
خرجت من الأوضة وهي ماسكة ليو. رجب بص لها.«ارجعي جوه.»
«لأ.»
صوتها كان ثابت رغم خوفها.«أنا سمعت اسم أبويا.»
رجب سكت. كلارا قربت.«أنا عايزة أعرف الحقيقة. أبويا مات إزاي؟ ومين .ه؟

وليه مراتك كانت بتدور ورا الموضوع؟»
رجب بص لها لحظات، وبعدين قال:
«هتعرفي كل حاجة.»
وائل أشار ناحية الفلاشة.«بس قبل أي حاجة، لازم تشوفي الفيديو.»
رجب حط الفلاشة في جهاز الكمبيوتر الموجود في الصالة. الشاشة نورت. ملف واحد ظهر. اسمه:
«إلى رجب… بعد مــ,,ـــــوتي.»
رجب حس إن نفسه اتقطع.

ضغط عليه. ظهرت نادية على الشاشة. وشها كان شاحب، وعينيها فيها خوف واضح.«رجب… لو إنت بتشوف الفيديو ده، يبقى أنا فشلت.»
رجب قرب من الشاشة.«نادية…»
كلارا وقفت مكانها. نادية كملت:
«أنا مش عارفة مين ممكن يكون معاك وقت ما تشوف الرسالة دي، عشان كده هقول أقل قدر ممكن.

»
رجب بص لحمدي. وبعدين لوائل. نادية قالت:
«أول حاجة… ماتثقش في فؤاد.»
رجب اتجمد.«تاني حاجة… كلارا لازم تبقى معاك.»
كلارا شهقت.«أنا؟»
نادية كملت:
«مش عشان هي تعرفك أو تعرفني… بالعكس. هي نفسها مش عارفة الحقيقة.»
رجب قرب من الشاشة.«أي حقيقة؟»
نادية قالت: