جوزي خانني ج٢ شروق خالد
»
رجعت خطوة لورا.«ما تقربش مني.»
وقف مكانه، ووشه اتغير. فؤاد بدأ يزعق ويقول إن مفيش دليل عليه، لكن الظابط واجهه بالتحقيقات الجديدة، وبالتحويلات المالية، وشهادات الشهود، والأوراق اللي اتجمعت من شركة الشحن. وقبل ما ياخدوه، فؤاد بصلي وقال:
«إنتِ فاكرة إنك كسبتي؟ العيلة دي كلها أسرارها وسخة!
»
رديت عليه وأنا باصة في عينيه:
«يمكن، بس أنا مش هعيش تاني جوه كدبة حد.»
خدوه، وبعدها أحمد جري على المستشفى عشان يطمن على نهى. أما أنا، ففضلت واقفة قدام سليم. كان بينا تسع سنين جواز، وألف ذكرى، وحاجات حلوة كتير اتدفــ,,ـــــنت تحت الخيانة والأسرار.
قال بصوت مبحوح:
«أنا ماكنتش أعرف إننا من نفس الأب. أقسم بالله يا ملك، لو كنت أعرف، ماكنتش قربت منك يوم واحد.»
بصيتله والدموع في عيني.«أنا مصدقاك في النقطة دي، لكن ده مش معناه إني نسيت كل اللي عملته.
إنت خبيت عني حقيقة أبويا، وخنت ثقتي، وخلتني أعيش سنين وأنا مش فاهمة أنا مين.»
نزل عينه وقال:
«عارف. ومش هطلب منك تسامحيني.»
بعد التحقيقات، ظهرت الحقيقة كاملة. ثبت إن فؤاد سرق فلوس التعويض، وشارك في التستر على جريمة . حسن محمود، وإن فيه رجال أعمال ومسؤولين ساعدوه في إخفاء الأدلة.
واتقبــ,,ـــــض على المتورطين واحد ورا التاني، ورجعت أجزاء كبيرة من الأموال المسروقة لأصحابها. نهى نجت، ولما خرجت من المستشفى، أحمد وقف جنبها رغم إنه كان مجروح من خيانتها. هي اعترفت له بعلاقتها بسليم، وطلبت منه السماح، لكنه قرر يبعد عنها فترة لحد ما يعرف إذا كان يقدر يبدأ معاها من جديد ولا لأ.
أما نوال، ففضلت تيجي تزورني، لكني ماقدرتش أسامحها بسهولة. كنت محتاجة وقت أفهم إزاي ست خبّت عني الحقيقة العمر كله، حتى لو كانت بتقول إنها عملت كده عشان تحميني. وسليم؟بعد شهور، قدمت طلب انفصال رسمي عنه.
ماكانش قرار سهل، لكني فهمت إن الحب لوحده مش كفاية، وإن الست مش مطالبة تفضل في علاقة بتوجعها لمجرد إن فيه ذكريات حلوة. قبل ما ننهي كل حاجة، سليم طلب يقابلني مرة أخيرة. اتقابلنا في نفس الكافيه اللي كنا بنروح له في أول جوازنا.
قعد قدامي وقال:
«أنا خسرتك بسبب أخطائي، ومش هقول إنك ظالماني. بس عايزك تعرفي إن السنين اللي عشتها معاكي كانت حقيقية بالنسبة لي، حتى لو أنا فشلت أحافظ عليها.»
بصيتله وقلت:
«أنا حبيتك بجد يا سليم.
