جوزي خانني ج٢ شروق خالد
أول ما شافت الصورة، وشها اتغير، والشنطة وقعت من إيديها. بصتلي برعب وقالت:
«إنتِ لقيتيها فين؟»
قربت منها وقلت:
«قبل ما أسألك عن الصورة، عايزاكي تجاوبيني على سؤال واحد.»
بصتلي، ودموعها بدأت تتجمع في عينيها. قلت:
«أنا بنت محمود وفاطمة فعلًا؟
ولا فيه حاجة أمي وأبويا ماتوا وهما مخبيينها عني؟»
نوال حطت إيديها على بقها، وقعدت على أقرب كرسي، وفضلت تعيط.«يا بنتي، أنا كنت مستنية اليوم ده ييجي، بس كنت بتمنى أمــ,,ـــــوت قبل ما أضطر أحكيلك.»
أحمد خرج من ورا الحيطة وقال بغضب:
«تحكيلها إيه؟! اتكلمي يا نوال!»
رفعت عينيها لينا، وبعدها قالت:
«ملك مش بنت محمود وفاطمة بالدم… لكنها بنتهم اللي ربوها وحبوها، وده عمره ما كان كدب.»
حسيت إن الأرض بتتهد تحت رجلي.«يعني إيه؟!»
نوال مسحت دموعها وقالت:
«أمك الحقيقية كانت بنتي.»
الصمت نزل على الشقة كلها. أحمد رجع لورا، وأنا فضلت باصة لنوال من غير ما أرمش.«إنتِ بتقولي إيه؟!»
قالت وهي بتعيط:
«أنا خلفتك وأنا صغيرة، وكنت عايشة تحت ضغط أبويا، اللي كان رافض جوازي من الراجل اللي بحبه.
وبعد ما خلفتك، أخدك مني وقاللي إنك مش هتعيشي معايا. محمود وفاطمة كانوا أقرب ناس ليا، وهما اللي أخدوكي وربوكي على إنك بنتهم، عشان يحموني ويحموكي من فضيحة العيلة.»
حسيت إن نفسي اتقطع.«طب أبويا الحقيقي مين؟»
نوال بصتلي، وسكتت وقت طويل. وبعدين قالت:
«أبوكي الحقيقي مات من سنين.
.. بس قبل ما يمــ,,ـــــوت، سابلك حق كبير عند عيلة الجبالي.»
أحمد قرب منها وقال:
«مين هو؟»
نوال رفعت عينيها، وبصتله مباشرة.«أبوكي الحقيقي هو محمود الجبالي… أبو سليم وأحمد.»
صرخت من الصدمة.«يعني أنا بنت أبوهم؟! يعني أنا أخت سليم وأحمد؟!»
نوال هزت راسها وهي بتعيط.
«أيوه يا ملك.»
في اللحظة دي، حسيت إن كل حاجة في حياتي اتقلبت. جوازي من سليم، اللي كنت فاكرة إنه جوزي وحبيبي، بقى سر مرعب. وفلوس التعويض اللي اتسرقت، ووفــ,,ـــــاه أبويا، واختفاء فؤاد، كل ده بقى مرتبط بحقيقة واحدة.
لكن السؤال اللي كان بي. ني:
لو أنا بنت محمود الجبالي فعلًا، ليه اتربيت بعيد عن عيلتي؟ وليه سليم اتجوزني من غير ما يعرف الحقيقة؟بصيت لنوال وقلت:
«إنتِ كنتِ عارفة إني اتجوزت سليم؟»
نوال هزت راسها ببطء.«أيوه.»
«وعرفتي إننا عايشين مع بعض تسع سنين؟»
«أيوه.»
صرخت فيها:
