وكان الظلم حليفي
علياء اسامه
بعد كام شهر…
أمي أصرت تيجي تزورنا هي ونصر.
أول ما دخل الشقة، قلبي وقع في رجلي.
فضلت أبص له وأنا مستني نفس الجملة اللي كان بيقولها كل مرة.
نصر وقف في نص الصالة…
خد نفس طويل…
وبعدين ابتسم.
ابتسامة واسعة عمره ما ابتسمها قبل كده.
لف ناحيتي، وقال وهو بيضحك
ريحة البيت بقت حلوة أوي يا نعيم.
والله…
في اللحظة دي أنا اللي انفجرت في البكا.
ح.ضنته بكل قوتي، وأنا ببوس راسه.
قلت له وأنا بعيط
سامحني يا أخويا… أنت اللي أنقذتني.
ربت على ضهري بإيده الصغيرة، وقال بمنتهى البراءة
أنا ما عملتش حاجة… ربنا هو اللي نضف البيت.
ومن يومها…
كل ما حد يسألني إيه أغرب معجزة شوفتها في حياتك…
ما بحكيش عن الفلوس…
ولا عن القضية…
ولا عن المحكمة…
بحكي عن أخويا نصر…
الولد اللي الناس كانت بتقول عليه من الطيبين…
بينما كان قلبه أنضف من قلوبنا كلنا.
..
وأول واحد شم ريحة الحرام…
قبل ما ريحته تق.تل أصحاب البيت كلهم.
Post Views: 246
ماكنتش تعرف إن جوزها فاكرها موظفة عادية وهو أصلًا متجوز صاحبة شركة طيران بمليارات. يوم سابها عند بوابة المطار مع ابنهم المړيض ومشي مع عشيقته، افتكر إنه كسب لكنه ماكانش يعرف إن قرار واحد منها هيقلب حياته كلها.
أول نداء للركاب اتسمع في المطار، وفي نفس اللحظة جوزها شال ابنه الصغير وحطه في حضنها وقال ببرود
خديه وارجعي بيه البيت أنا مش هفوّت الطيارة عشان شوية سخونية.
حضنته أكتر وهي حاسة إن جسمه مولع.
دي مش سخونية عادية الدكتور قال لازم يتكشف حالًا.
بص في ساعته الغالية حتى من غير ما يبص لابنه وقال
إنتِ أمه تصرفي.
وقبل ما ترد، الست اللي واقفة جنبه مسكت دراعه بدلع وقالت
يلا يا حبيبي البوابة هتقفل.
كانت دي حبيبته.
واقفة قدامها بكل ثقة، كأنها هي مراته.
أما حماتها، فوقفت تبصلها من فوق لتحت وقالت بصوت عالي يخلي كل اللي حواليهم يسمع
بصي لنفسك طول عمرك شكلك بسيط ومش لايق على المستوى اللي ابني وصله.
ناس كتير بدأت تبص.
لكن هي ما ردتش.
كل اللي عملته إنها حضنت ابنها أكتر لما سمعته بيهمس وهو بيتنفس بالعافية
بابا ماتسبنيش.
لثانية
وش جوزها اتغير.
لكن حبيبته شدته من إيده، فلف ضهره ومشي.
ولا هو
ولا أمه
ولا الست اللي معاه
حد فيهم بص وراه.
بعد دقائق، المسعفين خدوا الطفل للمستشفى.
والتقارير كانت صاډمة.
التهاب رئوي حاد.
والدكتور قال كلمة واحدة خلتها تقفل عينيها
لو كنتوا اتأخرتوا كام ساعة كمان الوضع كان هيبقى أخطر بكتير.
فضلت قاعدة جنب سرير ابنها 3 أيام.
أما جوزها
ماجاش.
