وكان الظلم حليفي

وبصوا لأبويا وقالوا له بنتك دي بطلة إنها كشفتكم.. إحنا ناس بنتقي الله وميلزمناش القرف ده!
جريوا وهم بيلعنوا الساعة اللي دخلوا فيها البيت. مضلش في الصالة غيري أنا، وأبويا، وأخويا، والحيتين اللي كرامتهم بقت في الطين وفضايحهم بقت على كل لسان في المنطقة.
أخويا سالم، اللي كان طول عمره سلبي، فجأة الدموية رجعت في عروقه من الصدمة، بص لمراته اللي كانت بتخطط تسـ,ـرق أخته وتخـ,ـرّب حياتها، وهجـ,ـم عليها ضـ,ـربها بالقم وقال لها أنتي تسـ,ـرقيني وتخططي تسـ,ـرقي أختي يا واطية؟ أنتي طالق يا فوزية! طالق ومشوفش وشك في بيتي ثانية واحدة!

مرات أبويا جريت على أبويا تعيط وتمسكن يا حاج سالم، والله أنا مالي ذنب، ابن أولاني هو اللي غدر بينا!
أبويا

بص لها بنظرة كلها قرف وندم، وزقها بعيد عنه وقال لها أنتي طالق أنتي كمان.. ضيعتيني وضيعتي بنتي مني، الله ينعلك وينعل اليوم اللي شوفتك فيه!
وقفت في النص، وبصيت ليهم كلهم.. لمرات أبويا ومرات أخويا اللي كانوا من شوية بيزغرطوا وشمتانين فيا، ودلوقتي قاعدين على الأرض كرامتهم في الطين وفضايحهم مالت الشارع.
بصيت لأبويا وأخويا وقولت لهم أنا مش عانس.. أنا ندى اللي شيلت البيت ده على كتافي، ندى اللي كنتوا فاكرينها ضعيفة وملهاش ضهر. أنا ضهري هو عقلي وشرفي وشقايا. والبيت ده اللي أنتم قاعدين فيه، ملكي أنا بالقانون..

وقدامكم أسبوع واحد بس، تلموا حاجتكم كلها وتطلعوا برة البيت، لأني هأجره وأعيش في مكان أنضف بكتير من المكان اللي اتهنت فيه.
أخويا سالم قعد على الأرض يبكي، وأبويا حاول يقرب مني ودموعه على خده ويقولي سامحيني يا بنتي.. أنا ظلمتك.
بصيت له بنظرة أخيرة، نظرة مفيهاش غل، بس فيها برود قـ,ـاتل، وقولت له المسامحة دي عند ربنا يا بابا.. أما أنا، ففايدتي إني عرفتكم قيمتكم، وكسرت كرامة اللي فكر يكسرني.

شيلت شنتطي اللي كنت مجهزاها من بالليل، وخرجت من الباب وأنا رافعة راسي، والمنطقة كلها كانت واقفة برة بتتفرج على خروج العريس وأهله مفضـ,ـوحين، وعلى صوت الطلاق اللي رن في البيت. خرجت وأنا ببتسم، لأن عند سن التلاتين، حياتي الحقيقية لسه بتبدأ،
قوية، حرة، ومحدش كاسر عيني.

Post Views: 744
عندها 30 سنة، ومتجوزة كريم بقالها 6 سنين. كريم كان مدير مبيعات في شركة أجهزة طبية، ومن بره حياتهم كانت تحفة… فيلا 3 أدوار… خروجات في الزمالك والتجمع… وسفريات كل صيف للساحل. لكن جوه البيت… نرمين كانت بقت مجرد ضيفة. آخر 6 شهور… كريم بطل يقربلها خالص. نقل نومه لأوضة المكتب بحجة إنه مشغول في صفقة كبيرة، وأي سؤال منها كان بيرد عليه بعصبية وكأنها بتضايقه. وفي نفس الوقت… دينا مرات أخوه محمود، بقت كل شوية تظهر بشنط ماركات، ودهب جديد، وهدوم غالية، مع إن مرتب جوزها مهندس مدني عمره ما يجيب المصاريف دي.