الدرس الاخير نورهان العشري
فهّمني، ورقة إيه دي؟!».أحمد بلع ريقه بصعوبة وحاول يلم الموضوع ويسحب الورقة من قدام أمه، بس كانت أسرع منه ومدت إيدها وخدت الورقة!عين حماتي جابت السطور بسرعة، وكل ما كانت بتقرأ، وشها كان بيتحول للون الأصفر من الصدمة والخزي.
دي ما كانتش مجرد شاتات عادية، دي كانت محادثات مسحوبة بالصوت والصورة والتاريخ والوقت من موبايلاتهم الاتنين. محادثات أحمد فيها بيكتب لداليا بالحرف: «يا داليا استحملي القعدة معاها شوية، دي مجرد بطن شايل لي ابني، أول ما تولد لكل حادث حديث، وإنتِ الملكة والأساس»، وكانت داليا بترد عليه وبتتريق عليّا وعلى طريقتي ولبسي ووجودي في البيت، وبتشكك في كل حاجة بعملها.
ومش بس الشاتات… المفاجأة الأكبر اللي كانت محطوطة جوه الظرف لكل ضيف، وخاصة لأحمد وداليا، كانت صورة ضوئية واضحة لـ “عقد زواج رسمي سري” بينهم، اتكتب في السر بعد جوازنا بأربع شهور بس، والمأذون كان واحد من أصحاب أحمد القدام!
البيت كله ساد فيه صمت مرعب، لدرجة إن صوت التكييف كان هو الصوت الوحيد الواضح. المعازيم بصلوا لبعضهم بنظرات كلها قرف واشمئزاز، وأبو أحمد قام وقف وعصبيته طاغية عليه، وبص لابنه وقاله بصوت زي الرعد: «يا عديم الخيـر والتربية.
. متجوز عليها في السر وكمان جايبها تقعد في بيتها وتهينها وسطنا؟! ده أنت ما تستاهلش تبق راجل!».داليا حاولت تدافع عن نفسها وقالت بصوت متهدج وعيونها مليانة دموع مصطنعة: «يا عمي اسمعنا، الموضوع مش…»قصيت كلامها بصوت هادي جداً، لكنه كان قاطع زي السكينة، وقمت من على الكرسي وحطيت إيدي باعتزاز على بطني المنتفخة، وشرت بصوابعي لأحمد اللي كان واقف مهزوز ومكسور قدام أبوه وأهله وقلت: «محدش ينطق ولا يفتح بقه بكلمة واحدة.
.. اللعبة خلصت خلاص يا أحمد».وبصيت لداليا اللي وشها بقى أصفر ومبقاش فيه نقطة دم، وكملت بصوت ثابت: «البيت ده بتاعي، ومشترى بفلوسي وبميراث أبويا الله يرحمه، وعشان كدة، المرة دي مش أنا اللي هلم هدومي وأمشي… إنتوا الاتنين، طليقته ومراته الجديدة في السر، قدامي برررررا بيتي حاااالاً، وقبل ما تنوروا الشارع، هيكون محاميّ عندي في القسم بيباشر إجراءات قضية الخلع والتعويض».
أحمد حاول يقرب مني ويمد إيده وهو بيلعثم: «مريم.. استني بس.. اسمعيني.. الموضوع مش زي ما أنتي فاهمة..
