الدرس الاخير نورهان العشري
»، بس نظرة واحدة مني كانت كفيلة تخليه يتراجع، وأبوه زقه بغضب وقاله وهو بيشاور له على الباب: «اطلع برا.. واعتبر نفسك برة عيلتنا من اللحظة دي!».داليا جريت على برة وهي بتعيط ومنهارة من الفضيحة اللي نزلت عليها زي الصاعقة، وأحمد مشي وراها مطأطأ راسه، والمعازيم انسحبوا في سكون وهم بيحسبوا نعم ربنا اللي حرم منها نفسه بطمعه وخيانته.
قعدت تاني على الكرسي، حسيت إن جبل ثقيل انزاح من على صدري لأول مرة من شهور. بصيت لنفسي في المرايا، ولمست بطني، وابتسمت لأول مرة من قلب بجد، وأنا متأكدة إن اللي جاي هيكون أحسن بكتير، وإن اللي يفرط في واحدة زتي، ما يستاهلكش تعيشي ثانية واحدة جنبه.
……فلاش باك. اللحظة اللي حصلت قبل عيد الميلاد بيومين، وخلتني أتحول من ست غلبانة بتستحمل، لانسانة تانية بتخطط لض. ربة النهاية. كان الفجر بيشقشق، وأحمد كان نايم بعمق وجنبه موبايله عمال يهتز برسايل ورا بعضها على الواتساب.
في العادة كنت بسيبه ومبحبش أنبش في وراه، بس الإحساس بالشك والوجع اللي كان واكل قلبي الفترة دي، وخصوصًا بعد ما أصر يعزم طليقته، خلاني أمد إيدي وأخد الموبايل وأنا إيدي بتترعش. الباسورد كنت عارفاه.. فتحت الشات، وكان صدمة عمري!
شات بينه وبين “داليا” مفتوح على آخره.. كلام حب، وتريق عليّا، واتفاقات على ازاي يتجوزوا في السر بعيد عن الناس عشان “ميراث ابني ومشاكل أهله”، والأوسخ من كده.. رسالة من داليا قبلها بساعة بتقول له: «اطمن يا حبيبي، ورقة الجواز السرّي في الأمان في الدرج السري في مكتبك في الشغل، ومحدش هيحس بحاجة خالص».
قلبي وقف في لحظتي.. حسيت إن الأكسجين اتقطع عني. بقيت باصة للموبايل وأنا مش مصدقة إن الراجل اللي نايم جنبي، واللي شايل ابنه في بطني، دبحني بالشكل ده في الخفاء!مدخلتش في نوبة عياط.. غريب إني مهتزيتش بالدموع وقتها، بالعكس.. حسيت ببرود غريب ونار في نفس الوقت.
دخلت على الملفات والصور، ولقيت صورة ضوئية واضحة لعقد الجواز السرّي مصورها على تليفونه، ومعاها تسجيلات ومحادثات من أول يوم جوازنا. عملت تحويل لكل الشاتات والصور دي على تليفوني في ثواني، ومسحت أي أثر لعملية التحويل، ورجعت الموبايل مكانه كأن مفيش أي حاجة حصلت.
تاني يوم الصبح، وأحمد في الشغل، نزلت روحت لمكتبه اللي في البيت وفتحت الدرج السري اللي داليا قالت عليه (كنت عارفه مكانه من زمان بس مكنش يهموني محتوياته)، ولقيت أصل عقد الجواز السرّي مركون هناك. صورت العقد أكتر من صورة واضحة، ورجعت كل حاجة مكانها.
