داليا بقلم محمد عبده
كانت صورة لشريف وهو خارج من مكتب الشهر العقاري
وفي إيده نفس الملف اللي أنا كنت ماسكاه
بصيت لسامح
وقلت
إمتى الصورة دي
قال
قبل ما الأرض تتنقل بأسبوع
سألته
إنت كنت بتراقبه
قال
أنا كنت شغال مع والدك شريف من سنين
والد شريف قبل ما يموت اكتشف إن ابنه بيحوّل فلوس من شركات العيلة
لكن قبل ما يلحق يعمل حاجة حصلت الوفاة
قلت
طب ليه مستني لحد دلوقتي
سامح قرب مني وقال
عشان كنت مستني الدليل اللي يثبت إن شريف استخدم توقيع والدك
بصيتله وقلت
والدي
قال
قصدي والد شريف
آسف
وبعدين طلع ورقة من الملف
وقال
بصي هنا
كان فيه توقيع والد شريف
وتحته تاريخ بعد وفاته بست شهور
إيدي بدأت ترتعش
قلت
مين عمل كده
سامح بصلي وقال
الشخص اللي كان معاه مفاتيح مكتب والد شريف بعد وفاته
قلت
شريف
هز راسه
أيوه
بس قبل ما أقدر أقول أي حاجة سمعنا صوت عربية وقفت قدام المكتب
سامح بص من الشباك
وشه اتغير
قال
هو جه
مين
قال
شريف
حسيت إن رجلي اتجمدت
موبايلي اهتز في إيدي
كانت رسالة من داليا
أنا شايفاه دخل العمارة
اطلعي من الباب الخلفي فورًا
سامح فتح درج المكتب وطلع مفتاح صغير
قال
في باب خلفي
بس قبل ما نتحرك سمعنا صوت خطوات بتطلع السلم
شريف كان قريب جدًا
سامح مسكني من إيدي وجرينا ناحية الممر الخلفي
لكن قبل ما نوصل للباب سمعنا صوت شريف من آخر المكتب
نهى
صوته كان هادي بشكل مرعب
متتعبيش نفسك
أنا عارف إنك هنا
وقفت مكاني
سامح همسلي
لو خرجنا دلوقتي هيشوفنا
بصيت حواليا
ولقيت باب صغير وراه دولاب خشب
فتحته بسرعة
كان مخزن ضيق
دخلنا وقفّلنا الباب
بعد ثواني الباب الرئيسي للمكتب اتفتح
سمعت شريف وهو بيقول
أنا كنت أتمنى إنك تفضلي بعيدة عن الموضوع ده
صوت خطواته قرب
وبعدين سمعته بيقول
بس إنتي مكنتيش بتسمعي الكلام
سامح كان ماسك إيدي بقوة عشان يمنعني أتكلم
