داليا بقلم محمد عبده
ساعتها شريف مبقاش عنده مكان يهرب له
واجهناه بالمستندات
في الأول أنكر
وبعدين اتهم سارة
لكن سارة لما عرفت إنه بيرمي كل حاجة عليها قررت تتكلم
وقالت إن شريف وعدها إنه هيديها جزء من الفلوس لو ساعدته
واعترفت إنها كانت عارفة إن الأرض اتنقلت بطريقة غير قانونية
لكنها قالت إنها مكنتش تعرف إنه زور توقيعي
التحقيقات استمرت شهور
وفي النهاية اتثبت إن شريف كان العقل المدبر لعملية التلاعب وإن سارة اشتركت معاه في جزء منها
أما أنا
فقدمت استقالتي من البنك
مش عشان أنا غلطانة
لكن عشان مكنتش قادرة أفضل في مكان كل ورقة فيه بتفكرني بجوازي
ورفعت قضية طلاق
ولأول مرة من سنين حسيت إني بتتنفس من غير خوف
بعد فترة رجعت لمكتب والد شريف
وقفت قدام صورته
وحطيت الورقة اللي كتبها قبل موته قدام صورته
وقلت
لو كنت عرفت الحقيقة من البداية كان زمان حياتي اتغيرت
لكن يمكن اللي حصل كان لازم يحصل عشان أعرف أنا متجوزة مين
وأنا خارجة من المكتب لقيت محمود مستنيني
مد إيده ليا بظرف صغير
وقال
ده آخر حاجة والد شريف سابها ليكي
فتحته
كان جواه عقد ملكية
باسمي أنا
والأرض اللي شريف حاول ينقلها
كانت مسجلة لصالحي من الأساس
والد شريف كان نقلها باسمي قبل وفاته عشان يحميها من ابنه
يعني طول الوقت شريف كان بيحاول يسرق حاجة
والده كان قدامي وحماها باسمي من غير ما أعرف
وقتها ضحكت لأول مرة من قلبي
وبصيت للورقة وقلت
حتى بعد موته قدر يحمي ابنه مني
لا
صححت كلامي لنفسي
قدر يحميني من ابنه
عدت البيت في آخر اليوم
فتحت الشباك وقعدت أشرب قهوتي في هدوء
الموبايل رن
رقم غريب
رديت
جالي صوت سارة
قالت
نهى أنا آسفة
سكت شوية وبعدين قلت
أنا مش محتاجة اعتذارك
قالت
بس لازم تعرفي حاجة
إيه
قالت
قبل ما شريف يتقبض عليه بيوم كان فيه شخص تاني بيقابله
قلت
مين
سكتت
وبعدين قالت
الشخص اللي كان واقف وراكم في صورة الخطوبة
