نسيم العشق ج2

عوض بأحترام:- حاضر يابا الحاج

كامل:- بالنسبة لى اللي خونـ”تي ابني معاه قوليله اني هجيبه حتى لو كان فين طلعوها برا يالا

رانيا بأنهيار:- بتي يابا الحاج بتي عايزة اخدها معايا خليني اخاد جنة معايا مقدرش اعيش من غيرها

خرجوا الحراس رانيا و سحر برا القصر و رانيا كانت بتبكي بشدة، اغمى عليها بمجرد خروجها من القصر لتفقد حياتها من السكتة القلبية فهي فى الاساس مريضة قلب

вαcĸ

سحر :- اخاد حقك منيهم بس و هجيب الكـ”لب اللي اتبلى عليكي قدامهم يقول الحقيقه و يظهر برائتك وهاخد جنة تعيش معايا مش هسمحلها تعيش مع الناس دي اكتر من كدا فضلت طول السنين دي كلها مستنية اللحظة اللي هاخد حقك منهم فيها و اكتر شخص هيوجـ”ع قلوبهم هو عيسى المفضل لجده وابن كريمة اللي اتبليت عليكي و طلعتك خايـ”نة قدامهم

لا حول ولا قوة الا بالله العلي العظيم ♥️

* فى المستشفى و تحديداً فى غرفة عيسى الجبالي *

فريدة : طب هروح انا اعمل مكالمة صغيرة و راجعة تاني

عيسى :- خدي راحتك

خرجت فريدة من الغرفة ، جنة كانت قاعدة على الكنبة و دموعها فى عينيها

جنة :- عيسى انت زعلان مني

عيسى بألم وهو بيمسك ايديه ، جنة راحت عنده بسرعة واتكلمت بخوف شديد

:- مالك فيه ايه انادي الدكتور

عيسى وهو بيمسح دموعها:- مالك بتعيطي ليه

جنة بدموع :- انا مضايقة من نفسي عشان اتكلمت كدا على مرات عمي كريمة قدامك انا آسفة

عيسى :- يعني لو كنتي اتكلمتي من ورايا مكنتيش هتزعلي من نفسك بصي يجنة انتي مراتي وانا بحبك و كل حاجه بس دي امي يعني عندي خط احمر مش هسمح ليكي أو لغيرك انه يتكلم عليها فى وجودي أو فى غيابي نص كلمة حتى و كل اما استوعبتي دا اسرع كل اما كان احسن ليكي تمام

جنة بصوت مخـ”نوق من العياط

:- تمام

عيسى فتحلها دراعه السليم راحت قعدت جانبه و حطيت رأسها على صدره

جنة :- انا آسفة يعيسى انت معاك حق انا لازم احترامها كملت ببكاء

:- بس انا نفسي يعاملوني زي ولادهم انا انا اتحـ”رمت من امي من وانا لسه موعتيش على الدنيا لما كنت بسأل عليها عشان كنت ببقى محتاجها اوي و كانوا بيقلولي طلعت عند ربنا كنت بروح لمرات عمي كريمة عشان تقعدني فى حضنها زي حنين عشان كنت ببقى محتاجه لحضن ام كانت بترفض كان نفسي تعاملني شببها اوي والله كان نفسي احس بالشعور دا