نسيم العشق ج2

جنة انصدمت من اللي سمعته كلامه كان بالنسبالها مفاجأة مش متوقعة فضلوا ساكتين فترة من الوقت وهم بس باصين لبعض قاطع سكوتهم صوت جنة وهي بتقول

:- انا عايزة اروح البيت خلي حد يروحني

عيسى :- جنة انا

قاطعته جنة وهي بتتكلم بجدية :- مش عايزة اسمع حاجة تانية ممكن عايزة ابقى لوحدي شوية

عيسى بتفهم :- تمام يلا انا هروحك

جنة :- ابعت معايا السواق بقولك عايزة ابقى لوحدي

عيسى :- تمام هبعت معاكي السواق

وصلت جنة الڤيلا قعدت فى الجنينة وهي شاردة و بتفتكر كلام عيسى

جنة بصوت عالى:- طب اعمل ايه اعمل ايه انا مش عارفه اصلا انا مشاعري ايه من ناحيته يا ريته ما قالي

:- فيه واحدة برا و عايزة حضرتك يا هانم

جنة :- مين

:- بتقول جارتكم فى الڤيلا اللي جانبكم

جنة :- تمام خليها تدخل

دخلت فريدة ( والدة عيسى الحقيقة) اتكلمت ببأبتسامة

: انا شفتك بتكلمي نفسك وانا واقفة فى البلكونة قولت اجاي اشوفك بس لو مش حابة انا ممكن امشي

جنة بأحراج:- امممم دا ايه الكسفة

فريدة:- هههههه ممكن اقعد

جنة :- اكيد طبعاً اتفضلي

فريدة:- اعرفك بنفسي انا فريدة السيوفي بيت اهلي الڤيلا اللي جانبكم على طول

جنة :- اها تشرفت بحضرتك

فريدة:- بصي انا مش حابة ادخل بس حسيت انك محتاجة تتكلمي مع حد لو حابة تتكلمي انا هسمعك

جنة :- حضرتك باين عليكي طيبة اوي و بشوشة انا الصراحة ارتحتلك و هقولك عشان انا معرفش حد هنا و فعلا حابة اتكلم مع حد غير عيسى

فريدة :- دا حبيبك

جنة :- جوزي

بدأت جنة تحكي لفريدة كل حاجه حصلت معاها هي و عيسى و مصطفى

فريدة:- يحبيبة قلبي شكلك عانيتي كتير بس سيبك من كل دا و هسألك سؤال واحد انتي بتحبي عيسى

جنة :- مش عارفه انا برتاح اوي وانا معاه ومش بحب اسيبه انهاردة عرفت اني بغير عليه اوي و بيوحشني بس فى نفس الوقت مش قادره انسى اللي مصطفى عامله فيا

فريدة:- ادي فرصة لنفسك مع جوزك افتحيله قلبك انا عارفه انك مبقتيش بتثقي فى حد بسبب مصطفى دا بس عيسى ملوش ذنب اديله وادي لقلبك فرصة تحبيه

جنة :- انتي شايفه كدا

فريدة:- اكيد

فجأة جت لجنة مسدچ على فونها من عيسى

” انا اسف على اللي قولته اعتبريني مقولتش حاجه خالص”

بصيت للمسدج وابتسمت

فريدة:- هتحبيه انا متاكده

جنة :- بتمنى

فريدة:- هو انا ممكن اشوفه

جنة :- اه اكيد

فتحت جنة معرض الصور و رتلها صورة عيسى ، فريدة اخدت الفون وفضلت تكبر فى الصورة وتدقق فى ملامحه وهي حاسة بشعور غريب