نسيم العشق ج2

عاصم :- يلا يا فريدة انتي هتيجي معايا انا مش هسيبك هنا كتير وازاي اصلا تخرجي من البيت من غير اذني

فريدة ببكاء وهي بتحاول تبعد ايده :- مش عايزة اجاي معاك مش عايزة ابقى معاك يا عاصم خليني هنا لحد اما يرجع كريم من السفر

راح عندهم و بعد ايد عاصم بقوة و وقف فى نصهم

عيسى بغضب و جدية :- قالتلك مش عايزة تيجي معاك يبقى خلاص متاخدهاش غصبن عنها

عاصم بغضب :- عيسى الجبالي انت هنا بتعمل ايه اصلا

عيسى :- مبحبش اعيد كلامي كتير طول ما هي مش عايزة تيجي معاك انا مش هسمحلك تاخدها

عاصم بغضب شديد:- انت مين يالا عشان تمنعني اني اخاد مراتي و اخرج كدا يا بابا من هنا متفكرش عشان خدت مناقصة مني يبقى خلاص هتفرض سيطرتك لا فوق دا انا افـ”عصك

عيسى ببرود :- والله وريني يلا عايز اشوف اخرك

عاصم طلع مسـ”دسه من جيبه و حاطه فى راس عيسى ، فريدة حطيت ايدها على فمها بصدمة وهي خايفة جدا على عيسى و مش عارفه ايه السبب

فريدة بخوف شديد:- خلاص خلاص يا عاصم انا هاجي معاك بس متعملوش حاجه ارجوك

عاصم :- يبعد عن طريقي وهسيبه

عيسى ببرود و ابتسامة سخرية :- انا والله ما عايز اعملك حاجه لانك اد ابويا و محترم فرق السن اللي ما بينا بس مش هصبر كتير

ضر*به عيسى فى رجله بقوة ليسقط أرضا ، خد المسـ”دس من على الارض

اللهم صلى وسلم وبارك على سيدنا محمد وعلى اله وصحبه اجمعين ♥️

عيسى ببرود: هااا هتمشي ولا نبدل الادوار و اضـ”رب انا

عاصم :- مش هرحمك يعيسى المرة اللي فاتت خدت المناقصة المرة دي الموضوع بيتعلق بمراتي اللي هي بالنسبالي حياتي خاف مني بقى بعد كدا كمل وهو بيبص لفريدة :- مش هتبعدي عن بيتي كتير يا فريدة و لا دا ولا الف غيره هيمنعوني عنك

قال كلامه و سابه و خرج بغضب مفرط

عيسى :- حضرتك كويس

فريدة:- ايوا شكراً يبني

عيسى ببأبتسامة:- الشكر لله حضرتك زي والدتي

فريدة :- انت عيسى صح جوز جنة

عيسى :- اها

فريدة بدموع حطيت ايديها على خده بتلقائية منها وعيسى كان مستغرب تصرفها جدا بس كان بشعور جميل

فريدة :- ربنا يبارك فيك يحبيبى انت شبه عاصم اوي فى الشكل بس الطبع يختلف تماما

عيسى :- انا تربية الحاج كامل الجبالي كبير سوهاج كلها

فريدة:- انت من سوهاج

عيسى :- اه ممكن اطلب من حضرتك طلب

فريدة. – اكيد

عيسى :- حضرتك مينفعش تعيشي هنا هيجي تاني ممكن تشرفيني وتعقدي معايا انا و مراتي معانا هتكوني فى امان اكتر