الجوع والفقر منى السيد
بعينيها وبصتلي بوقاحة
إنتي بتلوي دراعنا في عز المصېبة يا ندى؟! خلصي هاتي الفلوس الراجل هيفضحنا قدام خلق الله، وجوزك هيتجرجر في البوكس الليلة، وأخوه يروح في داهية!
بصيت لمحمود وهو قاعد في الأرض زي العيل الصغير، ماسك راسه بإيديه وبيترعش. قربت منه ونزلت لمستواه، مسكت كتفه وهزيته جامد
بصلي هنا يا محمود! ارفع عينك وبصلي! شقايا وصحتي وعمري اللي بيضيع عشان ٧٥ جنيه في الشهر، والعيال اللي نايمين على لحم بطنهم، مش هيروحوا هدر عشان تصرف على سهر أخوك وعربدته! عايزني أدفع من تحويشتي ومن فلوس الجمعية اللي طالعة من عيني ودم قلبي؟
محمود اتكلم وصوته مخڼوق بالدموع والذل
أبوس إيدك يا ندى… ادفعي، سدي الليلة دي بس وبعدين نعمل اللي إنتي عايزاه، والله ما هنسالك الوقفة دي، بس أخلص من السچن والمصېبة دي الليلة!
مفيش حاجة اسمها بعدين! شروطي تتنفذ دلوقتي حالا وقدام أمك وحماك لما يطلع!
حماتي كانت هتتجنن وبتفرك في إيديها، وفجأة طلع حمايا بينهج على السلم، وشه أحمر وعروقه نافرة، دخل الشقة وزعق في محمود
قوم يا خايب، قوم يا اللي ضيعت نفسك وضيعت أخوك! الراجل تحت مش راضي يصبر للصبح، بيقول لو أول قسط والفوائد بتاعته مدفعتش الليلة، هيبلغ النيابة بالسړقة والڼصب والوصولات اللي معاهم!
بص حمايا ليا وقال بلهجة أمر
وانتي واقفة تفرجي ليه؟ هاتي الفلوس اللي شايلاها فكي زنقة جوزك وأخوه بدل الوقفة دي!
ابتسمت بسخرية ومرارة، ووقفت في نص الصالة، عيالي كانوا مرعوبين في الأوضة، ويوسف باصص من ورا الباب وعينيه مليانة خوف.
الفلوس معايا هنا في البيت، بس على چثتي يخرج منها مليم أحمر إلا لما تسمعوا شروطي وتنفذوها كلمة بكلمة، والراجل اللي تحت ده يفضل يسمعكم وسيرتكم تبقى على كل لسان لو مش عاجبكم!
حمايا اتعصب وعينه جحظت
إنتي اتجننتِ يا بت؟ بتهددينا في بيتنا؟!
أيوة بهددكم! عشان ده مش بيت، دي مقپرة لصحتي ولعيالي! أولاً ال ٥٠٠ جنيه اللي بتاخدهم مني كل شهر يا حمايا، دي اتقطعت للأبد، ومش هتشوف مني ولا من محمود نكلة بعد النهاردة! ثانياً الشقة دي تتقفل علينا بمفتاح، محدش ينزل عيالي ولا يمد إيده عليهم، وأكلي وشربي ومصاريفي في بيتي، والدروس اللي بديها فلوسها لبيتي وعيالي بس، ومحمود ينزل يدور على شغل إضافي يسد بيه اللي باقي من ديون أخوه بعيد عني! ثالثاً إبراهيم يكتب تنازل عن نصيبه في أرض القيراطين اللي في البلد لمحمود تعويض عن الفلوس دي، والورقة دي تتكتب الليلة قبل ما أطلع مليم واحد من جيبي!
حماتي شهقت ولطمت على خدها
عايزة تاخدي أرض ابني يا حية؟! عايزة تلهفي شقا أبوه عشان كام ألف جنيه هتدفعيهم؟!
أرض ابنك دي بتمن حرية عيالك الاتنين! اللي هيهرب واللي هيتسجن! لو مش عاجبك، انزلي قولي للرجالة اللي تحت يشيلوا محمود، وابنك الصايع لما يمسكوه يلبس جنبه في القضية!
محمود زحف على ركبه ومسك في رجل أبوه
وافق يا يابا! وافق أبوس إيدك، إبراهيم أصلاً ضيع نص فلوس الأرض على صحابه، والراجل تحت مبيفهمش، هتحبس الليلة!
حمايا وشه بقى زي الجمر، بصلي بكره وغيظ عمره ما وراه لحد، وعرف إني حاطة السکينة على رقبتهم كلهم. بص لمحمود وقال پقهر
قوم هات ورقة وقلم… هكتبلك التنازل اللي هي عايزاه، بس ورحمة أبويا ما هعديلك العملة دي يا ندى، وهتشوفي هعمل فيكِ إيه بعد ما المصېبة دي تعدي!
أعلى ما في خيلكم اركبوه، الورقة تتكتب وتتمضي وبصمة حمايا وإقرار منه بصفته ولي الأمر لحد ما إبراهيم يجي يبصم،
