السفيره العزيزه سوما العربي
أسبلت شقيقتها جفناها تترحم على رهف:-الله يرحمها ، ويقصف عمر الي كان السبب. صمتت دقيقة تنظر على شقيقتها ثم قالت:-يبقى تعرف.-تعرف؟! تعرف ايه يا أكرام اسكتي.-تعرف ان هما السبب.-إكرام..عزيزة لو عرفت مش هتسكت ماتولعيش في النار .
-قولي لها ان هما الي عملوا كده في اختها الكبيرة، خوفيها ورجعيها ولا ناسية لما عمها كان عايز يجوزها ابنه بعد ماقتلوا رهف و…
لم تكمل إكرام كلمتها فقد هبت مهجة من محلها تهتف بحدة:-ولا كلمة يا إكرام، ولا كلمة…السيرة دي تتقفل، عزيزة عيلة لسه، والعرق الصعيدي بيجري في دمها، لو عرفت ممكن تصغر مخها وساعتها الله أعلم ايه الي ممكن يجرى إسكتي.
ذمت إكرام لشفتيها وصمتت ثم عادت تردد:-تفتكري هو عايش ولا مات؟-هو مين؟!سألت مهجة مدعية الجهل رغم فززان قلبها بخوف ورعب لتردد إكرام:-جوزك.-أنا جوزي مات وحضرت غسله يا إكرام.-تؤ..مش ده أقصد التاني…اخوه الكبير مهدي الي..-إكرام…قفلي على السيرة دي.
صرخت مهجة بخوف فقالت إكرام:-طب مابتسمعيش الكلام ليه وترفعي عليه قضية خلع، افرضي عايش.-خوفت، خوفت منه ، انا ماصدقت نسوني انا وعزيزة، خوفت أرفع عليه خلع فاعصبه وييجي ورايا ويجبنا.-طب قومي كلمي بنتك، قومي وخوفيها خليها ترجع. وقفت مهجة بالفعل واتجهت نحو الهاتف تحدثها .
__السفيرة عزيزة _سوما العربي___
وقفت في غرفتها الصغيرة بعدما بدلت ملابسها تشعر بالتذمر والغيظ، لم تستطع التحمل وخرجت من غرفتها متجهة للخارج. في نفس التوقيت الذي عاد فيه جلال من الخارج ، دخل بترقب، لا رغبة لدية في مقابلة الجد وسماع وساوسه من ناحية تلك القاهرية…
وجد الخادمة مارة بجواره فناداها:-انتي يابت، خدي إهنه.-نعم يا بيه.-جدي فينه؟!-خرج مع الحاج عبد الكريم. دارت عيناه على أروقة المنزل ثم عاد للخادمة يسألها:-وفينها البحراوية؟!-في جاعتها يابيه تأمر بحاجه؟! الست فتون جالت نجهزولكم العشا ونشيعوا عنديها.
-ماشي. ذم شفتيه وهو يتذكر ان الليلة ليلة فتون..صعد الدرج يتجه ناحية جناحه أولاً يريد أن يتحمم قبلما يذهب لأي مكان ولكن..توقفت يداه على صوت فتون التي خرجت من غرفتها تنادية:-جلال..تقدمت تخرج من غرفتها اتجهت ناحيته في نفس الوقت الذي فُتح فيه باب بأخر الرواق إسترعى إنتباه جلال ولا يعلم لما إرتبك وهو يراها تخرج من غرفتها وهو يقف مع زوجته الثالثة أو …….
