السفيره العزيزه سوما العربي
! هتقعدي مع العريس يعني هتقعدي مع العريس، ده ولد لقطة ومستحيل أفوته. جن جنون رحمة التي ضرب الأرض بقدميها وهي تصرخ:-انا مش عايزاه ومش ناوية اتجوز ومش ناوية أصلاً أكمل هنا و…قاطعتها والدتها التي تقدمت منها مرددة:-أيووة..
كملي كملي، ناوية تهاجري برا وتكملي تعليمك هناك وكمان ماشية في الإجراءات من ورانا وفكراني مش هعرف، بس أهو أنا بقا بسبب كدة بالذات مصممة على العريس ده .-في ايه؟! صوتكم جايب لأخر الفيلا. صاح أحدهم فالتفتت “أسما” والدة رحمة تواجه شقيقها مرددة:-تعالى يا سي فريد، تعالى شوف الست رحمة مش راضية تقعد مع العريس، بقا بالذمة هو إبن عزيز المصري يترفض؟
!ذم فريد لشفتيه بتلاعب ثم اقترب وهو يردد:-لا لا …مالهاش حق رحمه…ولا تشغلي بالك اخوكي حبيبك هيحلها…روحي انتي شوفي بابا كان عايزك. قلبت أسما أنظارها بين أخيها وأبنتها ثم تحركت تصعد الدرج ليلتفت فريد بإتجاه رحمة مردداً بتباهي:-شوفتي!
! خلصتك منها..أستحق مكافأة ولا لأ؟!-انا كنت عارفه انه مش لله وللوطن…عايز ايه ياخالو.-رجلي على رجلك يا حبيبة خالو، مش انتي رايحة تقابلي صاحبتك طيبة بردو؟!-خالو..قولت لك ابعد عن البنت و. قاطعها فريد وهو ينادي:-طب يا أسماا.-خلاص خلاص.
.تعالى معايا بس بالله عليك ما تعمل حركة من حركاتك دي بنت غلبانه والي فيها مكفيها.-اتفقنا. ردد فريد وهي تحركت معه غير مطمئنة له لكن مابيدها حيلة.____السفيرة عزيرة_سوما العربي___
صعدت مع الخادمة تدلها على غرفتها التي ستسكنها طوال مدة إقامتها هنا.
مرت معها في الرواق تسمع الخادمة وهي تردد:-أتفضلي يا ست البنات، نضفت لك الأوضة وخليتها بتبرج…هتعجبك جوي. تجاوزت أول غرفة وكانت كبيرة كبر واضح عن البقية ثم بدأت من التي تليها تشير عليها وهي تردد:-دي أوضة جلال بيه والست ورد…
ودي أوضة جلال بيه والست بشرى وجلال بيه، أما دي بجا أوضة الست فتون وجلال بيه.-هو جلال بيه ده عامل مشترك؟! ضحكت الخادمة وعزيزة لازالت على إستنكارها وأكلمت:-وبعدين جيباني ليه في الصفه دي؟! ماتشوفيلي اوضة في حته تانيه البيت كبير أهو.
-دي أوامر البيه الكبير ومش كل الأوض هنا جاهزة ومتوضبة، الناحية التانية محتاجة نجاشة وشغل كتير.-هممم…وراميني ليه بقا في اخر الطرقة؟! ما اخد الأوضة الكبيرة اللي في الأول دي.-لاااااه. رددت الخادمة بأعين متسعة من الرفض القاطع دليل على المنع التام وكملت:-ده جناح جلال بيه.
