بنت عمي سرقت جوزي ج٢ منى السيد

مع هشام وهو لسه دمه مبردش في تربته؟ لحمي ودمي اللي بنتك كانت بتتباهى إمبارح بعقد أمي الألماظ في رقبتها وهي بتتجوز جوزي؟
توفيق اتلعثم ورجع خطوة لورا إحنا… إحنا كنا فاكرينك موافقة! هشام ضحك علينا كلنا!
وفريدة مش محتاجة تبريرات من حد خاېن، صوت عمران الحديدي طلع جهوري وهادي، قعد على الكرسي الرئيسي على راس الطربيزة، وشاور لفريدة تقعد على الكرسي اللي جمبه على اليمين اقعد يا توفيق… اقعدوا كلكم عشان نعرف مين اللي هيفضل في الشركة دي ومين اللي هيطلع منها بالهدوم اللي عليه بس.
الكل قعد بسرعة وړعب، ومحدش قدر ينطق بحرف قدام عمران.
المستشار رفعت فتح الملفات ووزع نسخ منها على كل الشركاء بصفتي المستشار القانوني الحصري لورثة المرحوم جلال التهامي، وبموجب الوصية المودعة رسمياً في الخزينة القضائية برقم 108 لسنة 2018، والتي تم تفعيلها اليوم بعد إبطال كافة التوكيلات المزورة الصادرة لصالح المدعو هشام سويلم
تنتقل كامل الحصة التصويتية والحق المطلق في الإدارة والتوقيع لمدام فريدة جلال التهامي، بنسبة 67 من إجمالي أصول المجموعة.
واحد من كبار المستثمرين، راجل اسمه شوقي عبد القادر، اتكلم بتردد بس يا عمران بيه… فريدة هانم معندهاش خبرة في إدارة الملاحة والنقل البحري وعقود التوريد الدولية، والشركات دي محتاجة إدارة بتفهم في السوق، مش إدارة عاطفية بعد الأزمة دي كلها!
عمران حط إيديه الاتنين على الطربيزة، وبص لشوقي بعينين زي الړصاص فريدة خريجة إدارة أعمال واقتصاد من الجامعة الأمريكية بامتياز مع مرتبة الشرف، وكانت بتدير نص العقود دي مع أبوها قبل ما الحيوان اللي اسمه هشام يحبسها في البيت ويلغي شخصيتها. وتاني حاجة يا شوقي… مجموعة الحديدي للموانئ والنقل وقعت النهاردة الفجر اتفاقية اندماج استراتيجي مع مجموعة التهامي. يعني من النهاردة، أي مليم داخل أو خارج، بيمر من تحت إيد فريدة وبموافقتي أنا شخصياً. اللي عنده اعتراض منكم على الإدارة الجديدة… أسهمه موجودة، والحديد بيشتري كاش وبالسعر العادل، والباب يفوت جمل.
القاعة سكتت تماماً. مفيش مستثمر في مصر كلها مچنون يقدر يرفض شراكة مع عمران الحديدي، ده معناه إن أرباحهم هتتضاعف عشر مرات وإن نفوذ الشركة بقى محمي بأعلى سلطة في السوق.
فريدة سحبت المايكروفون الصغير اللي قدامها، وبصت للكل بثبات خلى الكل يحس إن روح جلال التهامي رجعت وقفت في القاعة من تاني
أول قرار إداري ليا النهاردة
فصل توفيق التهامي من منصب نائب رئيس مجلس الإدارة وتجريده من كافة الصلاحيات، وإحالة كل الصفقات اللي وقعها في التلات سنين اللي فاتوا للجنة تفتيش ومراجعة مالية مستقلة.
تاني قرار تجميد كافة المعاملات مع الشركات التابعة لهشام سويلم ورفع قضايا تعويض مدني بمبلغ مليار جنيه عن الأضرار اللي لحقت بسمعة الشركة.
تالت قرار ضخ 300 مليون جنيه سيولة فورية في حسابات الرواتب وعقود التوريد المتأخرة عشان نثبت للسوق إن التهامي مبيقعش.
التصفيق بدأ يطلع من الشركاء الصغار والموظفين الكبار اللي كانوا مبهورين بقوتها وسرعة قراراتها، بينما توفيق كان قاعد زي الچثة الهامدة ودموعه نازلة من القهر والخزي.
عمران بص لفريدة من طرف عينه، وابتسامة فخر حقيقية ظهرت على وشه، وهمس لها بصوت واطي بداية موفقة يا بنت جلال… بس المعركة الكبيرة لسه جاية.
بعد ما الاجتماع خلص والكل خرج يلملم أوراقه، فضلت فريدة وعمران في القاعة الكبيرة المطلة على شوارع مصر الجديدة الزحمة.
فريدة وقفت قدام الشباك الإزاز الكبير، كانت شايفة العربيات والناس ماشية تحت زي النمل، حاسة بإحساس غريب؛ كانت متخيلة إن الاڼتقام واسترجاع الحقوق هيملا قلبها