جوزي كان بيتريق عليا عشان بيبيع اكل بيتي ج٢ منى السيد

موقع أيام نيوز

يهدوا الحلم ده ولا يرموني في السچن عشان يعيشوا هما بفلوس الحړام.
المطلوب مني إيه يا أستاذ طارق؟
الأستاذ وحيد محاميكي مستنينا دلوقتي في فرع البنك الرئيسي، ومحتاجينك تروحي تثبتي حالة رسمية لإنكار التوقيعات القديمة دي وتعملي طعن بالتزوير في مقر مباحث الأموال العامة، عشان نقدر نصدر إذن نيابة بضبط راندا والشخص اللي بيزور الأوراق في مكتبها.
قمت وقفت، مسحت وشي بمنديل، وعدلت الطرحة بتاعتي بقوة
أنا جاهزة، بس المحل ده تعب سنين وشقايا، هسيب الحاجة سناء تديره وأجي معاك فوراً.
خرجت كلمت الحاجة سناء على جنب، فهمتها إن في إجراءات ضرورية مع المحامي عشان أأمن الشقة والمحل ولازم أتحرك ساعة زمن. الحاجة سناء طبطبت على كتفي وقالتلي
روحي يا إيمان وعينك في عين ربنا، المحل في عينيا والقرش اللي هيدخل هسجلهولك بالمليم، متشيليش هم غير حقك وحق عيالك.
ركبت مع الأستاذ طارق، ورحنا على فرع البنك، وهناك قابلت الأستاذ وحيد المحامي بتاعي.
أول ما شافني الأستاذ وحيد، ابتسم نص ابتسامة وقال بنبرة مليانة ثقة
مدام إيمان، البلاغ اللي قدمناه الصبح كان ضړبة معلم، رامي دلوقتي بيتحاصر من كل ناحية، وتليفونه مقفول من ساعتين لأنه عرف إن ورق القرض اتسحب وراح للتحقيق الداخلي.
قعدنا في مكتب كبير مع مدير الشئون القانونية وضابط من مباحث الأموال العامة كان بيتابع القضية.
مضيت على استكتاب رسمي لإنكار التوقيعات، وعملت محاضر طعن بالتزوير في كل العقود القديمة، وقدمت صورة الشات اللي بين رامي وراندا، والتسجيل اللي كان بيني وبين راندا لما اتصلت تساومني وتهددني.
الضابط سمع المكالمة وهز راسه
التسجيل ده ورقم التليفون هيخلينا نجيب مكانها في ظرف ساعة. هما ميعرفوش إنك عرفتي بموضوع القروض التانية، وفاكرين إنك بس ماسكة عقد الشقة ومحل شبرا.
وفعلاً، وإحنا قاعدين في المكتب، تليفوني رن… وكان رامي!
بصيت للضابط وللمحامي، فالضابط شاورلي
افتحي الاسبيكر، اتكلمي طبيعي وخليكي متوترة كأنك خاېفة ومستعدة تتفاوضي عشان تلمي الموضوع.
أخدت نفس عميق، ودست على زرار الرد
ألو؟
صوت رامي طلع من السماعة ملهوج، يائس، وفيه نبرة ڠضب مشتت
إيمان! أنتي فين؟ المحامي بتاعك قالب الدنيا وباعتين إنذارات على شغلي! أنتي عايزة تدمريني وتفصليني؟
رديت عليه وصوتي متصنع الرجفة
أنت اللي دمرتني يا رامي… المحامي بيقولي إنك لبستني في قروض ومصايب تانية، والناس بتسأل عليا، أنا خاېفة ومش عارفة أعمل إيه في المحل ولا في العيال!
نبرة رامي اتغيرت في ثانية، الثعلب اللي جواه رجع يشم ريحة فرصة للنجاة
أنا قولتلك أنتي مش قد اللعب ده ومش فاهمة حاجة! القروض دي كانت باسمك أه بس أنا اللي بسددها من شغلي، لو أنتي ډخلتي الشرطة في النص هنتحبس إحنا الاتنين والعيال هتتشرد! اسمعي كلامي، تعالي دلوقتي على مكتب راندا في مصر الجديدة، هنقعد مع المحامي بتاعها، هيمضيكي على تنازل عن البلاغ وورقة تانية تخليهم يسحبوا التمويل الأخير نسدد بيه كل القديم، وبكده اسمك ينضف، وأنا هطلقك واديكي ورقة شقتك واختفي من حياتك خالص!
الضابط كتبلي على ورقة بسرعة وافقي وقوليله نص ساعة وهكون عندك.
بلعت ريقي وقلتله
حاضر يا رامي… بس متأذنيش، أنا جاية أهو، نص ساعة وأكون عندك في العنوان.
تعالي لوحدك! متجيبيش المحامي بتاعك ده عشان ميبوظش الاتفاق، فاهمة؟
فاهمة.
قفلت الخط، والضابط قام وقف فوراً ولبس جاكت بدلته
تمام يا رجالة، القوة تتحرك على عنوان المكتب، ومدام إيمان هتدخل الأول تتأكد من وجود العقود الأصلية وراندا ورامي في نفس المكان، وإحنا هندخل وراها بالظبط بدقيقة.
قلبي كان بيدق