فرح اختي حكايات صافي
أيوه
قلت
ليه؟
المحقق بص في الورق وقال
لأنه اكتشف إن فيه مبلغ أكبر بكتير من الأربعمية ألف دولار اتسحب من حسابات الشركة
سألته
قد إيه؟
رفع عينه وبص لي
حوالي مليون ونص جنيه زيادة
حسيت بقلبي بيقع
وقلت
يعني الفلوس دي كلها راحت فين؟
المحقق ما ردش على طول
وبعدين قال
ده اللي بنحاول نعرفه
لكن فيه تحويلات خرجت من الشركة واتحولت لحساب شخص قريب جدًا من عيلتك
قلت
مين؟
فتح الملف
وحط قدامي اسم الشخص
أول ما شفته
اتجمدت
لأن الاسم ما كانش اسم بابا
ولا ماما
ولا سارة
كان اسم الشخص اللي عمري ما توقعت إن عيلتي كلها ممكن تكون مخبية عني علاقتها بالموضوع
أخويا الكبير كريم
والصدمة الحقيقية؟
إن كريم كان موجود في فرح سارة من أول لحظة
ولما خرجت من القاعة قبل ما الشرطة توصل
هو اختفى
كأنه كان عارف بالضبط إن الليلة دي هتنتهي كدهفضلت باصة لاسم كريم على الورقة ومش قادرة أتكلم
قلت للمحقق
كريم أخويا
قال
إحنا عارفين
سألته
يعني إيه عارفين؟
رد
يعني إن حسابه استقبل تحويلات مرتبطة بالقرض اللي اتعمل باسمك
حسيت إن نفسي اتقطع
قلت
بس كريم طول الوقت كان بيقول إنه بعيد عن شغل بابا
المحقق قال
وده اللي محتاجين نتأكد منه
وبعدين سألني
إنتي كنتي بتثقي فيه؟
قلت من غير تفكير
طبعًا
كان أخويا
قال
طيب هل كان عنده أي صور من بطاقتك أو جواز سفرك أو أوراقك؟
افتكرت فورًا موقف حصل من سنتين
كريم كان وقتها بيقول إنه محتاج صورة بطاقتي عشان يعمل لي تأمين على العربية
أنا بعتهاله من غير ما أفكر
وقتها حسيت بقشعريرة في جسمي
قلت للمحقق
أيوه
كان عنده صورة بطاقتي
سجل المعلومة في الملف وقال
ده يفسر جزء كبير من الموضوع
رجعت البيت بعد ما خلصت أقوالي وأنا حاسة إن البيت نفسه بقى غريب عليا
دخلت أوضتي وقعدت على السرير
فضلت أبص في السقف وأفتكر كل مرة بابا كان بيطلب مني صورة بطاقة
وكل مرة ماما كانت تقول لي
