فرح اختي حكايات صافي
سبع معاملات باسمي؟
قال
أيوه
وقبل ما ألحق أسأله حاجة
باب المكتب اتفتح فجأة
ودخل كريم
وشه كان مرعوب
بص لي وقال
مريم لازم تمشي معايا دلوقتي
قلت
ليه؟
قال
لأن بابا عرف إنك هنا
سألته
وإيه يعني؟
قرب مني وقال بصوت واطي
لأن اللي معاه دلوقتي أخطر من كل الأوراق اللي شوفتيها
سألته
معاه إيه؟
بص للمستشار فؤاد وقال
قول لها
المستشار فؤاد سكت
كريم قال
بابا معاه أصل التوكيل اللي استخدموه عشان يعملوا كل حاجة باسمك
قلت
وأنا عمري ما عملت توكيل
كريم هز راسه
عارف
وده بالظبط اللي مخوفني
قلت
إيه اللي مخوفك؟
قال
التوكيل متوثق رسميًا
سكت لحظة وبعدين بص لي في عيني
والتوقيع اللي عليه
مش توقيعك
أنا ولا كنت متخيلة إن ممكن يكون فيه حاجة أسوأ من كده
لكن كريم قال جملة خلت الدم يتجمد في عروقي
قال
التوقيع ده مش مزور بس
ده توقيع حد قريب منك جدًا
وفي اللحظة دي موبايلي رن
كانت رسالة جديدة من رقم مجهول
فتحتها
وكان مكتوب فيها
لو عايزة تعرفي مين اللي زور توقيعك
بصي على تسجيل كاميرات البيت يوم الخميس اللي فات
رفعت عيني لكريمبصيت لماما وأنا مش قادرة أصدق
قلت
إنتي؟
ماما كانت واقفة قدامي ودموعها نازلة
قالت
مريم اسمعيني
صرخت فيها
أسمع إيه؟
إنك زورتي توقيعي؟
إنك استخدمتي اسمي عشان تاخدي قروض؟
إنك كنتي عارفة إن بابا هيبيع عربيتي؟
ماما انهارت وقالت
أنا غلطت
ضحكت وأنا بعيط
غلطتي؟
ده مش غلط يا أمي
ده كان ممكن يضيع مستقبلي كله
بابا دخل وقتها ووقف جنبها
وقال
إحنا كنا بنحاول ننقذ الشركة
قلت
تنقذوها بفلوسي وباسمي؟
رد
كنا هنرجع كل حاجة
قلت
وكنتوا هترجعوا كرامتي؟
سكت
سارة كانت واقفة ووشها في الأرض
بصيت لها وقلت
وإنتي؟
قالت وهي بتعيط
أنا كنت عارفة إن العربية مش هتبقى هدية
لكن ما كنتش أعرف كل حاجة
