فرح اختي حكايات صافي
العربية ما كانتش هدية لسارة
قلت
أمال كانت إيه؟
قال
كانوا ناويين يبيعوها
حسيت إني مش قادرة أتنفس
قلت
مين كان هيشتريها؟
قال اسم شخص
وأول ما سمعته
عرفت إن الموضوع كله أكبر بكتير من مجرد عيلة بتخبي قرض
لأن الشخص ده كان شريك قديم لبابا
والشخص نفسه كان متهم قبل كده في قض..ية تزوير
قفلت المكالمة وأنا إيدي بتترعش
وبعد ثواني جالي إشعار على موبايلي
رسالة من رقم غريب
فتحتها
وكان مكتوب فيها
إنتي فاكرة إنك عرفتي الحقيقة؟
استني بس تعرفي مين اللي مضى باسمك فعلًا
وبعدها وصلت رسالة تانية
لو عايزة تحمي أخوكي كريم
ما تروحيش بكرة على البنك
بصيت للشاشة وأنا مش فاهمة
وبعدين جالي إشعار جديد
صورة مرفقة
فتحت الصورة
كانت صورة من كاميرا مراقبة
وفيها كريم واقف قدام مكتب البنك
لكن المفاجأة كانت في الشخص اللي واقف جنبه
بابا كان موجود
لكن مش لوحده
كانت واقفة جنبه سارة
وفي إيدها ملف عليه اسمي بالكاملفضلت ماسكة الموبايل وببص للصورة كأني مستنية إنها تتغير
سارة كانت واقفة جنب بابا قدام البنك
وكريم واقف قصادهم
والتلاتة بيتكلموا في حاجة شكلها مهمة جدًا
رجعت أبص للصورة أكتر
لقيت سارة ماسكة ملف
وفوق الملف كان اسمي مكتوب بشكل واضح
مريم حسن
حسيت إن دماغي هتنفجر
ساعتها موبايلي رن
رقم غريب
رديت من غير ما أتكلم
جالي صوت راجل وقال
لو عايزة تعرفي الحقيقة كلها تعالي بكرة الساعة عشرة الصبح عند مكتب المحامي القديم بتاع والدك
قلت
مين حضرتك؟
قال
الشخص اللي حاول ينقذ اسمك من زمان
وقبل ما ألحق أسأله قفل الخط
فضلت طول الليل مش عارفة أنام
كل ما أغمض عيني أفتكر سارة وهي بتشد شعري في الفرح
وأفتكر بابا وهو بيقول إن العربية هتبقى هدية ليها
وأفتكر ماما وهي بتدافع عنها
وبعدين افتكرت حاجة غريبة
قبل الفرح بأسبوعين ماما كانت بتسألني بإلحاح عن العربية
كانت عايزة تعرف سعرها
والقسط الشهري
ومين البنك اللي عملت معاه التمويل
