فرح اختي حكايات صافي
دي إجراءات عادية يا مريم
وكل مرة كنت بصدقهم
فجأة موبايلي رن
كان كريم
رديت
قال بصوت متوتر
مريم إنتي فين؟
قلت
في البيت
سكت شوية وقال
إنتي روحتي القسم؟
قلت
آه
سألني
قلتي لهم إيه؟
هنا قلبي دق بسرعة
قلت
إنت مالك؟
رد
أنا بس بسأل عليكي
قلت
لا يا كريم
إنت مش بتسأل عليا
إنت خايف
سكت
وبعدين قال
إنتي مش فاهمة الموضوع
قلت
طب فهمني
قال
مريم أنا كنت مضطر
ضحكت بمرارة
كل واحد فيكم بيقول نفس الكلمة
كنت مضطر
سألته
مضطر تعمل إيه؟
قال
أنا ما زورتش توقيعك
قلت
أنا ما سألتكش عن التوقيع
سكت
عرفت إنه وقع في الكلام
قلت
إنت كنت عارف؟
قال
عارف إيه؟
قلت
إن بابا وماما استخدموا اسمي في القرض
سكت تاني
وبعدين قال
مريم اسمعيني بس
أنا ما كنتش عايز أضرك
قلت
الفلوس اللي دخلت حسابك كانت فلوس إيه؟
صمته طال
قلت
رد عليا يا كريم
قال بصوت واطي
أنا هرجعلك كل حاجة
اتجمدت
قلت
كل حاجة إيه؟
قال
مريم أنا هشرحلك لما أشوفك
قلت
مش هتشوفني
قال بسرعة
لازم أشوفك
قلت
ليه؟
رد
لأن فيه حاجة لازم تعرفيها قبل الشرطة ما تعرفها
قلبي وقع
قلت
إيه هي؟
قال
بابا مش هو اللي بدأ الموضوع
سكت
قلت
يعني إيه؟
قال
القرض الأول كان من غير علمه
أنا ما فهمتش
قلت
مين عمله؟
كريم قال
ماما
اتجمدت مكاني
قلت
إنت بتكدب
قال
كنت أتمنى أكون بكدب
وبعدين كمل
ماما هي اللي بدأت تستخدم بياناتك
ولما بابا عرف حاول يغطي عليها
وسارة كانت عارفة جزء من الموضوع
قلت
وسارة كانت عارفة؟
قال
أيوه
قلت
وعربيتي؟
سكت
قلت بصوت مرتعش
عربيتي كانت إيه في الموضوع؟
كريم ما ردش
قلت
كريم رد عليا
قال
