الجيره المسمومه منى السيد

كنت فاكرة إنها جارة محترمة… لكن اللي اكتشفته بعدها خلاني أندم إني فتحتلها باب بيتي من الأساس!
إحنا بقينا في زمن الواحد بقى ېخاف يعمل معروف مع حد، لأنك ممكن تساعد من قلبك، وفي الآخر تلاقي اللي قدامك قلب الطاولة عليك، وكأنك إنت الغلطان.
أنا عمري ما كنت من الناس اللي بتحسبها بالمليم، ولا عمري استنيت مقابل من حد ساعدته، لأن ببساطة اتربيت إن الجيرة سند، وإن الناس لبعض وقت الشدة.
لكن اللي حصل مع جارتي… خلاني أراجع كل المبادئ دي.
حكايات منال علي
أنا متجوزة بقالي سنين، وعندي ولد اسمه أحمد عنده خمستاشر سنة، وبنت اسمها مريم عندها عشر سنين، والحمد لله عايشين في حالنا، لا بنؤذي حد ولا بنحب المشاكل.
من حوالي ست شهور، جت واحدة سكنت في الشقة اللي قصادنا، واسمها سماح متوفره على روايات واقتباسات
في الأول كانت ست هادية ومحترمة، كل ما تقابلني في

السلم تبتسم وتسلم، ولو احتجت أي حاجة تقول لي إحنا أهل يا جارتي، والدار دارك.
وأنا بطبعي بحب الناس، ومش بعرف أقفل بابي في وش حد، وجوزي الله يرحمه علمني إن الستر والصبر هما راس مال الواحد في الدنيا دي، خصوصاً لما تكوني عايشة لوحدك ومسؤولة عن بيتك وعيالك.
لحد ما في يوم، وكانت الدنيا مطرة وبرة هادي، خبطت عليا خبطات خفيفة.
فتحت الباب لقيتها بتبتسم وبتقول بدلال مصطنع
معلش يا أم أحمد تعبانة معاكي… ممكن أحمد ينزل معايا السوق؟ الطلبات تقيلة عليا ومفيش راجل في البيت يساعدني، وجوزي في الشغل مسافر.
بصيت لأحمد ابني، وكان قاعد بيذاكر، بس حسيت إنها محتاجة مساعدة بجد والست غلبانة.
قولتله بحب حكايات منال علي
انزل يا حبيبي ساعد طنط سماح… خير الناس أنفعهم للناس، والست غريبة ملهاش حد هنا.
نزل معاها، وشال الأكياس والشنط لحد باب الشقة، ورجع وهو بيضحك بيقول لي
إنها طيبة وادتّه شوكولاتة.
تاني يوم الصبح بدري، لقيتها جاية وبطبطب على كتفي ومعاها طبق بلح الشام سخن.
قالت وهي بتبتسم برضا مزيف
ده عشان أحمد… كتر ألف خيره، تعب معايا امبارح، بجد راجل ويشرف أي حد.
ضحكت وقولت برقة
يا ستي هو إحنا هنحسبها مع بعض؟ ده إحنا جيران وجيران الحيط للحيط، ومفيش بينا الكلام ده.
كانت بداية عادية جدًا، بل بالعكس، كنت مبسوطة إننا لقينا جارة نقدر نونس بعض، خصوصاً وأنا قاعدة لوحدي طول النهار والولاد في المدارس.
لكن اللي ما كنتش أعرفه إن البداية دي هتفتح باب مش هيتقفل بسهولة، باب هيجر وراه سلسلة من الاستغلال اللي ما بيخلصش.
بعدها بيومين، لقيتها بتخبط وقت الغدا تقريباً
معلش يا أم أحمد، أصل البوتاجاز عندي فيه مشكلة والغاز ضعيف، ممكن ابنك أحمد يجيبلي عيش من الفرن اللي على أول الشارع؟
قولت ولا يهمك يا ستي، ما هي عيشة جيران.
وبعدها بيومين
تانين…
لو سمحت خليه يشحن لي