لقيته نايم في حضنها

مرات فلان
قلت كنت
قالت أنا كنت معاه قبل السكرتيرة
وبعتتلي شات
شات بينها وبين جوزي من سنة
كلام حب وصور وخروجات
يعني السكرتيرة مكنتش الأولى
كانت التانية ولا التالتة
وأنا اللي كنت فاكرة إنها غلطة لحظة ضعف
طلعت لحظات ضعف كتير
ساعتها فهمت
المشهد اللي شوفته في المكتب مكنش أول حقيقة
كان آخر حقيقة قدرت أشوفها بعيني
الحقيقة الأولى كانت من بدري وأنا اللي مكنتش عايزة أشوف
قفلت الشات وشكرت البنت
وكلمت المحامي
قلتله عايزة أخلص بسرعة
قالي هنرفع طلاق للضرر ومعانا كل حاجة
رفعنا القضية
يوم الجلسة جوزي جه لابس بدلة حلوة وعامل شعره
فاكر إنه هيأثر عليا
القاضي سأله بتخون مراتك
قال لا
طلعت الصورة
حطيتها قدام القاضي
القاضي بص
قال مين دي
قلت سكرتيرته نايمة على صدره في مكتبه الساعة 9 بالليل يوم ما قالي هتأخر في الشغل
القاضي بص لجوزي
جوزي سكت
القاضي قال عايز تقول حاجة
قال كنت تعبان ونمت
القاضي قال وحاضنها ليه كنت بردان
القاعة كلها ضحكت
حتى المحامي بتاعه ضحك ڠصب عنه
القاضي حكملي بالطلاق
ونفقة
ومؤخر
والدهب
وخرجت من المحكمة وأنا حرة
أول حاجة عملتها
روحت غيرت كالون الباب تاني
وتاني حاجة
روحت جبت شوربة من برا
وقعدت آكلها لوحدي في البلكونة
وأنا بتفرج على الشارع
واحدة صاحبتي كلمتني قالت مش زعلانة
قلت لا
قالت أمال ايه
قلت مستغربة كنت مستحملة 12 سنة ازاي كنت بقول هتأخر متستنينيش وأنا أستناه كنت بقول شغل وأنا أصدق كنت بقول هتفضلي الأولى وأنا أصدق
صاحبتي قالت عشان كنتي بتحبيه
قلت كنت بحب الصورة اللي رسمها لنفسه مش هو
دلوقتي بعد 6 شهور من الطلاق
جوزي اتجوز السكرتيرة ولا لا معرفش ومش عايزة أعرف
اللي أعرفه إن أنا بقيت بعمل شوربة لنفسي
وبقيت بنام من غير ما أستنى رسالة هتأخر
وبقيت بصحى من غير ما أشم برفان غريب
والصورة لسه عندي في فولدر مقفول بباسورد
مسمياه الدليل إنك كنتي عميا وفتحتي
كل ما واحدة صاحبتي تقولي جوزي بيتأخر في الشغل
بقولها روحي خدي له شوربة
من غير ما تقولي له
وشوفي هتلاقي ايه على الكنبة