لقيته نايم في حضنها
من واحدة صاحبتي بتشتغل في نفس المبنى إن الشركة مشته
عشان الكاميرات جابت إنه بيدخل السكرتيرة مكتبه بعد المواعيد بقاله 6 شهور
وإن مراته يعني أنا بعت الصورة لل HR
أنا مبعتش حاجة
اللي بعت الصورة فرد الأمن اللي شافني وأنا طالعة بعيط يومها
الله يكرمه
جوزي خسر شغله
وخسر بيته
وخسرني
وبقى قاعد في شقة مفروشة هو والسكرتيرة اللي سابت الشغل برضه
وبعد شهرين السكرتيرة سابته
عرفت منين
هي اللي كلمتني تاني وقالت سابني وقاللي انتي السبب إن بيتي اتخرب
قلت بيته هو اللي خربه بإيده مش انتي
قالت طب ممكن ترجعيله
قلت أرجع لمين لواحد كان بيبوس شعرك وهو نايم وبيقولي هتأخر في الشغل
قالت عندك حق
وقفلت
دلوقتي أنا قاعدة في بيتي لوحدي
البيت اللي كنت فاكرة إنه من غيره هينهار
طلع واقف زي ما هو
السرير اللي كنت فاكرة مش هعرف أنام فيه لوحدي بنام فيه أحسن
الشوربة بقيت أعملها لنفسي
وبقيت أرجع من شغلي ألاقي البيت هادي مفيش واحد بيقول هتأخر
مفيش برفان غريب على هدومه
مفيش اسم واحدة بيظهر الساعة 11 بالليل
فيه أنا
وبس
وأربع كلمات
مترجعش البيت
أربع كلمات خلصوا 12 سنة
بس رجعولي نفسي
واللي يقولك إن الست لما بتسامح بتبقى قوية
قوليله لا
الست لما بتمشي وهي عارفة قيمتها هي اللي قوية
والصورة اللي صورتها في المكتب
لسه عندي
مش عشان أذلّه
عشان كل ما أضعف وأقول أرجع
أبص عليها وأفتكر إيديه وهي حاضنة وسط غيري
وأفتكر إني استاهل حضڼ أنضف من كده
بعد ما السكرتيرة سابته بقيت فاكرة إن الموضوع خلص
لا الموضوع كان لسه بيبتدي
جوزي رجع تاني يخبط على الباب
بس المرة دي مش لوحده
جايب أمه
حماتي اللي طول عمرها بتقولي يا بنتي
واقفة قدام الباب وبتعيط
بتقول افتحي يا بنتي ده ابني ضاع
فتحت عشانها هي مش عشانه
دخلت وقعدت على الكنبة اللي هو كان نايم عليها مع السكرتيرة في المكتب بس دي كنبة بيتي أنا
قالت ابني غلط بس كل الرجالة بتغلط
قلت لا يا طنط مش كل الرجالة بتنام وحاضنة واحدة تانية في مكتبها
قالت كان شارب
قلت الشارب مبيعرفش يحضن بالدقة دي ده كان حافظ مكان إيديه
سكتت
قالت طب عشان خاطري اديله فرصة أخيرة
قلت أنا اديته 12 سنة فرص انتي عارفة يعني ايه 12 سنة يعني أنا كنت بستناه كل يوم ب 9 و 10 بالليل وهو بيقولي شغل وأنا مصدقة وكنت بعمل الشوربة وأطلعله المكتب ألاقيه نايم في حضڼ غيري
حماتي عيطت
قالت أنا عارفة إنه ميستاهلكيش
قلت أمال جاية ليه
قالت جاية عشان انتي بنتي وأنا خاېفة عليكي من الوحدة
ضحكت
قلت الوحدة ايه يا طنط ده أنا كنت متجوزة ووحيدة كنت بنام لوحدي وبصحى لوحدي وباكل لوحدي وهو بيقول هتأخر الفرق دلوقتي إني بقيت لوحدي رسمي بدل ما كنت لوحدي وأنا متجوزة
حماتي قامت
قالت طب فكري
قلت فكرت وخلاص
مشيت هي وابنها
وهو واقف على الباب بيقول هتندمي
قلت الندم الوحيد إني مصورتش فيديو مش صورة بس
بعدها باسبوع لقيت حد بيبعتلي على الانستجرام
واحدة متعرفهاش
بتقول انتي
