لقيته نايم في حضنها

الشاحن بتاعه شيلته
قفلت الشنط
وحطيتهم جنب باب الشقة من برا في الطرقة
وصورت الشنط
وبعتله الصورة
وكتبت تحتها حاجتك برا الباب لما تصحى من النومة الحلوة ابقى خدها
وبعدين عملت بلوك
مش بلوك مكالمات بس
بلوك واتساب وفيسبوك وانستجرام وكل حاجة
ودخلت المطبخ دلقت الشوربة في الحوض
أصلها كانت معمولة بحب والحب خلص
الساعة بقت 11 ونص
موبايلي عمال يرن من نمر غريبة
ده هو بيحاول يكلمني من تليفون السكرتيرة ومن تليفون الأمن ومن أي حتة
مردتش
الساعة 1 بعد نص الليل
جرس الباب بيرن
بصيت من العين لقيته
شعره منكوش ولبسه مكرمش وشايل الشنط
بيقول افتحي نتكلم
قلت من ورا الباب مفيش كلام الكلام خلص في المكتب
قال والله ما حصل حاجة كنا بنشتغل وروحنا علينا نومة
ضحكت
قلت نومة ايه اللي تخليك حاضنها وحاطط إيدك على وسطها وبتبوس شعرها وانت نايم دي نومة ولا فيلم
سكت
قال انتي فهمتي غلط
قلت أنا صورت الغلط ده صوت وصورة تحب أبعته لمامتك ولا لمامتها
قال انتي صورتي ايه
قلت صورت جوزي وهو نايم في حضڼ واحدة تانية في مكتبه يوم ما قالي هتأخر في الشغل
قعد على الأرض جنب الشنط
قال طب افتحي أنا بحبك
قلت لو بتحبني مكنتش نمت وانت حاضنها
قال دي لحظة ضعف
قلت 12 سنة جواز لحظة ضعفهم كانت في حضڼ واحدة تانية طب لحظة القوة بتاعتك بتبقى فين
قال اديني فرصة
قلت اديتك 12 سنة فرص
وقفلت النور بتاع الطرقة ودخلت
سيبته قاعد برا
الصبح صحيت لقيته لسه قاعد والشنط جنبه
نزلت رحت شغلي
طول اليوم موبايلي مقفول
لما رجعت لقيت الشنط لسه مكانها بس هو مش موجود
دخلت بيتي وقفلت بالمفتاح
بعدها بيومين جالي جواب من محامي
جوزي عايز يرجع البيت وبيقول إن البيت باسمه
ضحكت
ما هو البيت باسمه فعلا بس العفش كله باسمي والقايمة معايا والشبكة معايا
كلمت محامي
قلتله عايزة أرفع خلع ولا طلاق للضرر
قالي معاكي دليل
طلعت الصورة
المحامي قال دي كفاية بس محتاجين نعرف مين دي
قلت سكرتيرته
قالي تمام هنبعت نجيب كاميرات الشركة
بعدها ب 3 أيام السكرتيرة نفسها كلمتني
قالت ألو انتي مراته
قلت كنت
قالت أنا عايزة أقولك إن جوزك هو اللي جري ورايا وأنا مكنتش عايزة
قلت وانتي نمتي على صدره ليه كنتي بتدفيه
قالت هو قالي إنه هيطلقك وإنك انتي اللي مش مهتمة بيه
قلت آه أنا اللي مش مهتمة عشان كده كنت جايباله شوربة الساعة 9 بالليل في مكتبه وهو نايم في حضنك
سكتت
قلت بصي يا حبيبتي أنا مش زعلانة منك أنا زعلانة منه هو الراجل هو اللي عليه الأمان مش انتي انتي زيك زي أي واحدة جوزي ضحك عليها بكلمتين
قالت هو فعلا ضحك عليا
قلت طب روحي خليه يضحك عليكي بعيد عن بيتي
وقفلت
بعدها بأسبوع جوزي بعتلي مع أخته علبة شيكولاتة وورد
أخته قالت أخويا بيحبك وغلط
قلت اللي بيحب مبيحضنش واحدة تانية وينام
قالت طب اديله فرصة عشان العيال
قلت مفيش عيال
قالت عشان العشرة
قلت العشرة هو اللي باعها لما نام في حضڼ غيري
رجعت الشيكولاتة والورد
بعدها عرفت