انتي مراتي ج٢

صلاح. اغور ايه بس دا انا مصدقت اجي واشوفك

نور. تصدق انك بني آدم قليل الادب وعاوز تتربي فعلا

نور فلحظه ضربته بالقلم وقالت انت غلط وهتدفع التمن

ثريا خرجت فنفس اللحظه اللي نور ضربت فيها صلاح وقالت نور ايه اللي حصل وبصت لصلاح وقالت انته ايه اللي جابك اهنه وانت خابر ان عاصم مش اهنه

صلاح. اتلخبط ومش عارف يرد

ثريا. بعصبيه قالت جاي اهنه ليه ياولد آمنه

صلاح. انا اا

ثريا. اني شوفت مرت ولدي وهي هتمد يدها عليك يبقي اكيد غلط فيها واني مش هسكت وهجول لولدي بس يجي وبتهديد قالت اللي ناوي عليه ده تطير فيه ارجاب واني ليا حديت مع اللي وزته علي اكده وبجولك تاني اوعاك تدخل البيت ده تاني واني متاكده انك مهتدخلوش واصل بعد انهارده

صلاح فهم انها بتهدده بعاصم وكمان فهم انها عرفت بتفاقه مع خالته وانو معملش كدا من نفسه

ثريا مسكت نور ايدها وقالت يلا يا بتي

صلاح مشي وهو مرعوب ثريا دخلت وقالت اهدي يا بتي انتي بترتعشي اكده ليه

نور. الحقير الحيوان كان فكرني سهله

ثريا. اهدي وقالت يا هنيه هنيه

هنيه خرجت من المطبخ وقالت خير يا ام عاصم

ثريا بغضب لاول مره تتكلم بيه قالت اني سكتلك كتير علي عمايلك فمرت ولدي وجولت بكرا تعجل بس مفيش فايده فيكي قولت بتها ماتت وهتتعظ بردو مفيش فايده والشر والانتجام مالي راسك بس لحد اهنه ولام توجفي عن حدك

هنيه بخوف قالت واني عملت ايه لكل ده يا ام عاصم

ثريا. عملتي كتير جوي يا هنيه واللي عمله ولد اختك اني هخلي عاصم يرد عليه بطريقته

هنيه برعب قالت صلاح عمل ايه بس واني ايه دخلني بيه

ثريا. صلاح ميعملش اكده واصل من غير تحريض منيكي انتي اللي كنتي عاوزاه يعمل مشاکل بين ولدي ومرته لكن اراده ربنا كشفتك ومن اول دجيجه

هنيه. اني مليش صالح بايتها حاجه وبعدين هو عمل ايه يعني ولا هو انتي دايما تصدجيها فكل حاجه وخلاص

ثريا. اني شوفت بعيني مرت ولدي وهي بتضرب ابن اختك وشويه وعاصم يجي وضغطت عليها اكتر وقالت ولعلمك ولد اختك اعترف وقال انك اللي جولتليه يعمل اكده

هنيه. اني معملتش حاجه واصل

ثريا. من انهارده انتي ملكيش مكان بيناتنا

هنيه. انتي هتطردينا اياك

ثريا. ايوا ويادوب تلحقي تلمي خلجاتك واخدت نور ودخلت اوضتها

نور. ماما اناا

ثريا. انتي ملكيش صالح باللي حصل ده كان لازم يحصل من زمان هنيه شيطان ومتقلقيش اني هخلي ولدي يقعدهم ف دار تانيه اهنيه احنا عندينا بيوت كتير