انتي مراتي ج٢
عاصم. لا البنطلون ضيق البسي فستان احسن علشان البيبي
نور اتفاجئت بتصرفه وبعدين قالت الفساتين قصيره ومش بتعجبك خليني كدا
عاصم راح ووقف قدامها وبصلها بنظره كلها حب وقالها غيري فخلال دقيقه وسابها ودخل يلبس نور اتنهدت وراحت لبست فستان كان نازل بعد الركبه وحزام من النصف ولبست جذمه كعب عالي عاصم شافها قالها البسي حاجه غير الجذمه دي علشان متتعبكيش الكعب عالي جدا
نور بصتله وهتتجنن من كلامه معها
عاصم فهم نظرتها رد وقالها دا علشان امي متلاحظ انك مش مهتمه بنفسك طبعا ماهي فاكره انك حامل بابن ابنها
نور عيونها اتملت دموع وراحت لبست كوتش ونزلت من غير ما تبصله عاصم نزل وراها ثريا نزلت قالت عامله ايه يابتي
نور. الحمد لله ياماما
ثريا قربت منها ومسكت ايدها بصلهم وقال يلا وخرجو
وبعد فتره وصلو الصعيد وراحو بيتهم
هنيه بتحاول تكون مبسوطه بوجود نور قالت نورتو الدار
عاصم. سلم علي عمه وولاد عمه
ثريا بصت لنور وقالت الدار منورها بصحابها وهتنور اكتر لما صاحبها الصغير يشرف الدنيا
هنيه لطمت علي صدرها وشهقت لانها فهمت كلام ثريا
نور وحماتها اتخضو من تصرفها ثريا قالت وه مالك يا هنيه
هنيه دارت نفسها وقالت مفيش يا ام عاصم يلا الوكل جاهز
ثريا مالت علي نور وقالت اوعي تاكلي حاجه غير اللي احنا هناكل منه ولو عوزتي حاجه قوليلي فاهمه او اعمليها لنفسك فاهمه يا بتي
نور حاضر يا ماما
عاصم. نور تعالي غيري علي ما الاكل يجهز
امه بهمس ليه قالت خلي بالك منها ياولدي واوعي تاخد حاجه من يد مرت عمك وخصوصا لو كانت ل نور
عاصم فهم امه وقالها حاضر وباس راسها وطلعو
نور دخلت الاوضه قعدت عالسرير وكانت دايخه
عاصم بصلها وقال انتي تعبانه
نور فنفسها قالت خايفه اقوله اني دايخه ودا بسبب الحمل طبعا هو فاهم انو مش ابنه
عاصم. نووور مالك سرحانه فايه
نور انتبهت له وقالت ولا حاجه هروح الحمام وقامت حست بدوخه رجعت تاني
عاصم مسك ايدها وقالها اطلبلك دكتور
نور بصت لايده الي مسكاها وقالت ش ش شكرا
عاصم. عارف انك دكتوره بس انتي لسه صغيره
نور. انا كويسه دا دا دا
عاصم. انتي لسه هتهتهي
نور. اصل يعني دا دا من ااا
عاصم. فهم تفكيرها وقالها من الحمل صح
نور دموعها نزلت
عاصم. اتنهد وقالها قومي غيري هدومك وانا هنزل اجيبلك الاكل هنا ونامي شويه
