انتي مراتي ج٢

عاصم. حضنها وقالها اهدي مين عملك اللبن دا

نور سكتت وماردت عاصم. نور انطقي وقولي مين اللي عملك اللبن

نور. خلاص انا مشربتش

عاصم بعدها عن حضنه وبصلها وقال مين يانور قولي احسنلك

نور. ااانا اللي عملته

عاصم فهم انها مش عاوزاه يعمل مشاکل بسببها قالها تمام انا بقا هعرف بنفسي وههد الدنيا علي دماغ اللي عمل كدا

نور. لا لا ارجوك انا الحمد لله كويسه

عاصم بغضب وعصبيه قالها كنتي هتموتي وتقولي كويسه وبعدين الموضوع دا ذاد عن حده وانا لازم انهيه بقا

نور مسكته من ايده وقالت اهدي وحبت تخليه يسكت قالت انت يعني خايف عليا ليه ولا علي اللي فبطني ما نموت ولا نروح فداهيه كمان

عاصم. نور

نور فنفسها قالت ياربي هو انا بهديه ولا بعصبه اكتر

عاصم خرج من الاوضه نور. يا مصبتي دي المره الجايه هتقتلني بطلقه وتخلص مني وخصوصا بعد اللي عاصم هيعمله ربنا يستر

عاصم نزل عند امه وقالها ايه اللي حصل يا اما

ثريا. اهدي ياولدي وبعد الفرح ما يخلص خد مرتك وادلي علي مصر نور ملهاش قعاد اهنه تاني والله اني لو ما عامله علي الناس والكل اللي هيسئلو عليك فالفرح كنت جولتلك امشي دلوج

عاصم اتنهد بصوت عالي وقال طيب بس فهمتي

امه. مرت عمك هي السبب فموت القطه واللبن هي اللي عملته لمرتك وكان بدها تخلص منيها او بمعني اصح تخلص من ولدك اللي هيحرمها من كل الخير اللي عايشه فيه

عاصم. لدرجه دي هو انا مقصر معهم فحاجه

امه. اهدي ياولدي هي عرفه ان خيرك كلاته هيروح لولدك من بعدك وهي طول عمرها طماعه وعاوزه كل حاجه ليها ولولادها

عاصم. دا تعبي وورثي من ابوي وانتي خابره والكل كمان وبعدين مش كتر خيري اني قويتهم فبيتي بعد ما خلت عمي باع كل شئ يملكه مش هي اللي خدته وقالت تروح تعيش برا الصعيد وبعد ما خلصت علي قرش معاه رجعت تاني عاوزه مني ايه بعد كل اللي عملته معاهم

امه. اهدي ياولدي انت مغلطتش دا عمك وولاده وملهومش غيرك علشان خاطر ابوك ياولدي وكمان علشان انت عاصم الزيني اللي ميجبلش علي نفسه ولا عمه يجعد بلا مقوي انته عملت الصوح ياولدي اما مرته انا ليا حديت معها اني مش هعدي اللي عملته ده بسهوله اني دلوج كل اللي خايفه عليه مرتك

عاصم. وربي لاندمها علي عملته دي

امه. اسمعني ياولدي فرح بت عمك بعد يومين وخلاص هي هتتلهي فالفرح وبتها وكمان اكيد هي دلوج خايفه لان عملتها اتكشفت ومش هتعمل حاجه تاني فاهدي علشان لارا واهل جوزها معيزينش فضايح جدامهم