اهانه على السفره ج٢ منال علي
حتى
المقام ده بتاع ربنا يا أحمد.. مش بني آدم هو اللي بيحدده لبني آدم تاني. وبعدين إنت شايف إيه؟
بص لي بضيق وقال
شايف إنك مش قد الجوازة دي.. وشايف إن أمي هي اللي ظلمتني لما اختارتك.
قمت من مكاني بالراحة، وقربت منه، وحطيت إيدي على ظهر الكرسي اللي هو قاعد عليه، ووطيت عنده وقلت له بصوت واطي بس ثابت
طيب طالما إنت مظلوم أوي كده.. ما تظلمش نفسك أكتر.. إيه اللي جابرك؟
عيونه اتوسعت من الصدمة، المرة دي ما كانش متوقع رد. كان متعود إني أعتذر، أو أقوله حقك عليا، أو أروح أعيط في الأوضة.
إنتِ بتقولي إيه؟ قالها وهو بيقف بسرعة.
بقولك اللي في ضميرك يا أحمد. بس الفرق إني بطلت أستنى منك المية وخمسين جنيه بتاعة السمك، وبطلت أستنى منك تقولي شكراً.. وبدأت أفهم الجيم كويس. حكايات منال علي
وشه أصفر، وعينيه بدأت تروح وتجي. هو كان فاكر إنه بيلعب مع بنت خام، جاية من الأرياف مش فاهمة حاجة في الدنيا، وما تعرفش غير كلمة حاضر ونعم.
من اليوم ده، كل حاجة اتغيرت.. بس مش بالطريقة اللي هو كان متوقعها.
ما عملتش مشكلة، ولا لمت هدومي ورجعت بيت أبويا. أنا عارفة أهلي كويس.. لو رجعت وزعلت، أمي هتقولي معلش يا بنتي اصبري، ده ابن خالتك، بكرة ينعدل، وخالتي هتاخد الموضوع على كرامتها والبيت هيتخرب والعائلتين هيتقاطعوا، وأنا هطلع في الآخر البنت اللي ما استحملتش وما عرفتش تحافظ على بيتها.
متوفره على روايات واقتباسات
أنا قررت أرد.. بس بأصولهم، وبدماغ أهدى بكثير.
بدأت أول خطوة.. الفلوس.
لما جه أول الشهر، قعدت قصاده على الصالة وقالتله بكل برود
أحمد.. أنا اتصلت ببابا وقلتله يوقف المصروف الشهري اللي بيبعتهولي.
بص لي بذهول وقال
وليه عملتي كده؟! هو حد كان اشتكالك؟
حكايات منال علي
أصل عيب يا ابن خالتي.. عيب أبقى متجوزة راجل ملء هدومه وراجل بيت، وأبويا يصرف عليا في بيتك. الناس تقول عليك إيه؟ تقول مش عارف تصرف على بيت؟ ولا تقول مراته بتصرف عليه؟ أنا بخاف على هيئتك قدام الناس أكتر من كده.
الكلام نزل عليه زي الصدمة.. هو كان معتمد إن فلوس أبويا هي اللي شايلة مصرفي الشخصي وبتكمل مصاريف البيت اللي هو بيهرب منها. دلوقتي، المصدر ده اتقفل.
وما عادش فيه هاتي وأنا أحاسبك يا أحمد.. البيت محتاج طلبات الشهر، كراسة الطلبات أهي، والمبلغ كذا.. هتنزل تجيبهم بنفسك أو تديني المصاريف كاش وأنا أنزل أجيب.
بدأ يتلجلج
إيه الطريقة دي؟ إنتِ بتتكلمي معايا كده ليه؟ حكايات منال علي
طريقة الستات يا أحمد.. مش إنت كنت بتسألني إنتِ فاكرة نفسك ست؟ الست العاقلة هي اللي بتحافظ على بيت جوزها وتخليه يشيل مسؤوليته زي الرجالة بالضبط.. ولا إنت مش قد المسئولية؟
الجملة دي كانت زي السهم في قلبه. كان يحاول يستفزني، بقيت
