اهانه على السفره ج٢ منال علي

أنا اللي بستفزه بنص كلامه وبنفس أسلوبه.
وبدأت اللعبة الحقيقية لما خالتي أمه قررت تيجي تزورنا تاني بعد أسبوعين.
المرة دي، الموقف كان مختلف.
قبل ما تيجي ب يومين، اتصلت بخالتي بالتليفون، وبصوت مليان حنية ودلع
يا خالتي يا حبيبتي.. أحمد قالي إنك جاية تنورينا يوم الجمعة، وأنا من فرحتي مش عارفة أعمل إيه.. بس أحمد مصمم المرة دي هو اللي يعزمك بنفسه، وجايب عزومة كبيرة أوي عشان يسد العزومة اللي فاتت اللي قالي إنها ما كانتش قد المقام.
خالتي فرحت جداً وقالتلي
ربنا يخليكم لبعض يا بنتي، أحمد طول عمره أصيل.
طبعاً أحمد ما كانش يعرف حاجة عن المكالمة دي.
يوم الخميس بالليل، دخلت عليه الأوضة وقلتله بمنتهى الهدوء
أحمد.. خالتي جاية بكرة هي وعمك وأولاد أختك الثانيين.. العيلة كلها جاية. وأنا بلغتهم إنك عاملاهم عزومة كبسة باللحمة الضاني وشوربة لسان عصفور وحلويات من الكبيرة.. عشان ما تقولش إني بقلي منك تاني وزي ما اتفقنا، المصاريف أهي مطلوب منك 2000 جنيه تنزل تجيب بيهم اللحمة والطلبات دلوقت.
أحمد وقف مبهوت
2000 جنيه إيه؟! وأنا مين قالك إني عزمت العيلة كلها؟!
أنا اللي عزمتهم باسمك يا حبيبي.. مش عيب أمك وأهلك ييجوا يلاقوا سمك مشوي ويقولوا عليا شبعة بعد جوعة؟ لازم نرفع راسك قدامهم.. ولا أنت ما معكش فلوس تكفي العزومة دي؟ لو مش معاك قولي، وأنا هكلم بابا يبعتلي ونقول إن الطلبات دي منه.
ضړبته في أكتر نقطة توجعه كبرياؤه قدام أهله، وخوفه إن أبويا يتسيد عليه.
وشه أحمر، وإيديه كانت بتتصلب من الغيظ، بس ما قدرش يقول لأ. طلع الفلوس من جيبه ورماها على الترابيزة وهو بېموت من جواه
دولي الفلوس اهي.. وأما نشوف أخرتها معاكي إيه!
ووووو.
يتبع..