العريس الغلط والحب الى اخترته بنفسها ج٢

“أنا عايش… ولسه ما خلصتش حسابي.”
آسر فضل باصص للصورة. وأنا لأول مرة شفت الخوف الحقيقي في عينيه. لأن لو الصورة حقيقية…يبقى الرجل اللي بنيناله قبر من سنين…لسه عايش. والأخطر من كده…إنه كان قريب مننا طول الوقت.#حكايات_شروق_خالدآسر فضل واقف مكانه، والموبايل في إيده. أنا قربت منه.”آسر… إنت مصدق إن أبوك عايش؟

”
ما ردش. ياسين أخذ الموبايل منه وبص للصورة.”الصورة دي جديدة.”
آسر بص له.”إزاي عرفت؟”
ياسين أشار لساعة الراجل في الصورة.”الساعة دي ظهرت في صورة من كام شهر.”
أخويا قال:
“بس إحنا دفناه.”
أمي ردت بصوت ضعيف:
“ما دفنتوش.”
الكل بص لها.”يعني إيه؟”
أمي مسحت دموعها.”اللي اتدفن كان شخص تاني.”
آسر قرب منها.”مين؟”
قالت:
“واحد من رجالته.”
آسر رجع خطوة.”وليه عمل كده؟”
أمي قالت:
“عشان يختفي.”
سكتت لحظة.”كان عايز الكل يصدق إنه مات.

”
آسر ضغط على أسنانه.”وعمل كل ده ليه؟”
أمي بصت لي.”عشان يوصل ليكي.”
أنا اتجمدت.”ليا أنا؟”
هزت راسها.”أبوك كان مخبي حاجة مهمة جدًا قبل موته.”
ياسين سأل:
“إيه هي؟”
أمي ردت:
“حسابات وأسماء الناس اللي كانوا بيشتغلوا مع أبو آسر.”
آسر قال:
“والدليل مع ليلى؟”
أمي هزت راسها.”أبوك خبّاه.”
سألتها:
“فين؟”
قالت:
“في مكان محدش هيفكر يدور فيه.”
آسر سأل:
“فين؟”
أمي بصتلي.”في بيت جدك.”
—
بعد ساعة، وصلنا لبيت جدي القديم في المنصورة. البيت كان مقفول بقاله سنين. آسر دخل الأول. كل حاجة كانت زي ما هي. التراب مغطي الأثاث.

قال بصوت مبحوح:
“قولي إن اللي قاله ده كدب.”
أمه ما قدرتش ترفع عينيها في عينه.”أنا آسفة يا آسر.”
ضحك بمرارة.”آسفة؟ بعد تلاتين سنة؟”
أبو آسر وقف بعيد عنهم، وكأنه كان مستمتع بكل لحظة. قال:
“هي كانت أخت أمك الحقيقية.”
آسر لف له.”فين أمي؟”
الرجل سكت. آسر صرخ:
“فين أمي؟

!”
أمه رفعت إيدها على وشها.”ماتت.”
آسر تجمد.”إمتى؟”
“بعد ولادتك بشهور.”
“وليه ما قلتوليش؟”
أبو آسر رد:
“لأن الحقيقة كانت هتضيع كل اللي بنيته.”
آسر قرب منه.”إنت اللي قتلتها؟”
الرجل ابتسم.”أمك كانت عارفة أسراري.”
آسر رفع السلاح أكتر. لكن أنا مسكت إيده.”آسر، لأ.”
بصلي. كان واضح إنه على آخره. قلت:
“إحنا محتاجين نعرف كل الحقيقة.”
أبو آسر ضحك.”هي الوحيدة اللي فاهمة.”
بصيت له.”فاهمة إيه؟”
قال:
“أبوكي ما كانش مجرد شريك.”
فتح الصندوق وأخرج ورقة قديمة.”كان ماسك الحسابات كلها.”
ناول الورقة لآسر.”وهو الوحيد اللي عرف إن فلوسي كانت بتتحول لحسابات سرية.