ورد البندر

خرج بعد شويه وهو بينشف شعره ولقاها لسه نايمه مكانها ولافه نفسها في الملايه وبتبكي

عواد اتنهد وقرب منها وقال…ورد..بت يا ورد..خلاص يابت كفياكي…احم…حقك عليا…انا..انا غلطت

ورد بكت اكتر ومكانتش بتبصلو.. قعد جمبها وقال…ورد ورحمت ابوكي كفايه انا مقادرش اتحمل اني انا الي ببكيكي كده ..قولت حقك علي

ورد وقفت براحه وهيه بتبكي وراحت للحمام من غير ما ترد عليه وهيه تعبانه جدا

عواد اتنهد وقال..عاجبك يا بهيم..انت المفروض يجوزك واحده من طينتك..اخرك تتجوز منصوره بت شيخ الغفر..الي الفرق بينها وبين ابوها انو بيلبس شاش..انما حتت الملبن دي خساره في اهلك

خرجت حتت الملبن من الحمام..قصدي خرجت ورد من الحمام بطريقه صدمتو جدا كانت مش لابسه حاجه ولافه الفوطه عليها راحت ناحية الدلاب وبقت تختار منو حاجه تلبسها وشعرها المبلول بينقط ميه على كتافها الجميله

عواد بلع ريقه بصعوبه من منظرها المهلك وقرب وحاوطها باديه وقال..القمر هيفضل مكشر فيها كده لميته..مقدرش اتحمل تفضلي زعلانه وانتي عارفه كده زين

ورد غمضت عيونها بضيق منو وقالت…عايز ايه…انت مش وصلت للي كنت هتموت عليه..مالك وامالي بقى ازعل افرقع انت مالك

عواد لفها ليه وبص لعيونها وقال..هو انا يا عبيطه لو كان ده كل غرضي فيكي كنت صبرت عليكي لحد دلوك..متصغريش عقلك..انتي عارفه ان الي حصل من شويه كانت ساعة شيطان..وعارفه كمان انا بغير عليكي قد ايه..ازاي عيزاني افكر انك كنتي تعرفي واحد ومتفقين على جواز واقعد هادي انا عقلي كان هيشت ومفيش حاجه مفكرتش فيها

ورد بعدت عنو وقالت..ده علشان خيالك مريض…انا وعمر زملا بس و

قاطعها وقال بغضب..متنطقيش اسمو يا ورد..وتنسيه خالص..اوعي ياجي في خيالك حتى..سامعه

ورد قالت بغضب..لا دي مش غيره..دي مستحيل تكون غيره ده هوس…ده مرض صدقني..مهو مش طبيعي كده..انا اتكلمت معاه وقلتلو اني متجوزه وقلتلو اننا خلاص مش هنتكلم..تلاقيه بس حب يستفسر ازاي وامتى لاني قفلت معاه من غير ما اسمعو

عواد قرب عليها ومسك دراعها بغضب وقال..لهو انتي كمان كلمتيه

ورد صرخت في وشو وقالت..كلمتو..كلمتو..هتعمل ايه تاني..يلا زعقلي تاني واتهمني اني واحده رخيصه علشان كلمتو ..وضربتو في صدره وهيه بتتقدم عليه بغضب رهيب وقالت..يلا بهدلني بهدلني زي ما بتعمل بالعاده.