ورد البندر
زهره الربيع
ورد ضحكت ضحكه جميله وهيه مبسوطه جدا معاه
بالليل كانو نايمين في حضن بعض والباب خبط جامد
جاد قام هو ورد مخضوضين وقال…استر يارب ولبس جلبيتو بسرعه وفتح الباب لقا الخدامه قالت ..الحق يا بيه جدك كان في المكتب بيشتغل وفجأه طب غمران مش عارفين مالو
جاد اتخض وقال..ايه ..وجري على تحت
ورد كمان سمعتها ولبست اول عبايه قابلتها ولسه هتلف طرحتها دخل كمال
ورد شهقت بخوف وقالت..فيه ايه يا كمال انت ازاي تدخل كده
كمال قرب منها وقال..متخافيش يا وردتي اخيرا هاخدك من هنا
ورد بصتلو بزهول وهو طلع بخاخ ورشها بيه وقعت مغمى عليها شالها ونيمها على السجاده ولفها بيها وطلع قدام الغفر من غير ما حد يسألو
عواد دخل عند جده لقاه واقع على الارض شالو ونيمو على الكنبه وقال للخدامه..ايه الي حصل
الخدامه قالت بخوف.. معرفش عملتلو كبايه قهوه شربها ووقع كده
قال بزهول ازاي يعني انتي عملتهالو بيدك يا صبحيه
قالت ايوه والله وحتى كمال بيه اخدها مني وجبهالو
عواد قال بقلق..كمال وطلع جري عند ورد يشوفها ليكون راحلها اوضتها
وعرف انو شكو في محلو لما دور على ورد زي المجنون وملقهاش..سحب سلاحو ونزل جري
كمال وصل عند عربيه عمر اول الشارع وطلعها من السجاده ولسه بيركبوها العربيه ورد ابتدت تحس
قالت بتعب اه…انتو..انتو عايزين ايه..ابعدو عني
بدأت تقاومهم وتفوق اكتر وتضرخ وتبعدهم
وضربت كمال في بطنو وجريت ناحيه السرايا
كمال هو وعمر جريو وراها ومسكوها لانها كانت دايخه وبقت تبكي وتقول..انتو عايزين ايه ابعدو عني انا بحب جوزي وهفضل معاه سبوني
عمر قال بدهشه..ايه…انت مش قولتلي انها زعلانه عليا ومغصوبه على الجوازه
كمال قال بغضب..بقولك ايه مش وقتو هنتفاهم بعدين عواد لو لقاها هيقتلنا احنا الجوز يلا
عمر خاف وبدأ يشدها معاه ويجرجروها على العربيه وهيه كانت بتقاومهم وتصرخ باسم عواد لحد ما سمعت صوتو بيقول…سيبوها
هنا كمال سابها بسرعه ورعب وقال بخوف …اجري يا ولد المحروق..وجرى هو وعمر بس مفيش خطوتين وعواد ضرب على كمال رصاصه في رجلو وقع على الارض وعواد قال بغضب ..ها هتقف انت التاني ولا تحصلو
عمر حرفيا بلل هدومو من الرعب وبصلو وهو رافع اديه وبيترعش من الخوف
ورد جريت على عود وهيه بتقع على الارض من الدوخه وهو جري عليها وحضنها بكل قوتو وقال..انتي كويسه يا قلبي..ردي عليا يا ورد
بقلم..زهرة الربيع
ورد هزت راسها بايوه بابتسامه ودموع وقالت.انا دلوقتي كويسه..لاني بين اديك.. واتخبت فيه جامد
