ورد البندر
زهره الربيع
عواد قلع شملتو وحطها على راسها لانها كانت بشعرها وخباها فيه وبص لعمر بشر وابتسم بسخريه لما لقاه بلل هدومو وقال..تؤ تؤ اخس على الرجاله…
وزعق على الغفير بتاعو وقال..عتمان…خد الحلوين دول..على الضيافه..واتوصو بيهم…بس شوف حفاضه الاول للباشا
وبص لكمال الي كان واقع على الارض وبيتألم وقال..اياك فاكرني نايم على وداني يا ولد عمي ومهعرفش ان عينك من مرتي من اول يوم اندلت فيه البلد…بس انا ساكتلك لجل القربه..بس بعد الي عملتو لا بقا فيه قربه ولا رحمه ..خدوهم
الغفر خدوهم وورد بصتلو بدموع وقالت..كانو هيخادوني معاهم..كنت مرعوبه
عواد ابتسم وهو بيمسح دموعها بحنيه وقال..ياخدوكي كيف…يا خدو قلبي وافضل ساكت
ابتسمت وقالت..قلبك..انا قلبك يا عواد
عواد قال بحب..قلبي وعيوني وكل دنيتي..بس بان الغضب عليه وقال..واديهم الي لمسوكي بيها دي هقطعهالهم تقطيع
ورد ضحكت وقالت..انا ممكن اعيش ازاي من غير جنانك ده…مبقتش اقدر دقيقه واحده من غيرو
عواد ضحك بخفه وقال…طار الي باقي من العقل قدام عيونك..وله حق…محدش يوعاهم ويفضل بعقلو..ولا حد يدوق قربك ويحلالو الحلا بعدو يا بت عمي
ابتسمت وحضنتو بقوه وقالت…انا بحبك اوي..اوي يا عواد..مبسوطه بوجودك جمبي جبل جامد ميتهزش
عواد حضنها وقال..بس انتي هزتيه يا ورد…اول مره اخاف..وقلبي يبقى هيفط من ضلوعي من الخوف…خوفت ياخدوكي مني..خوفت يحلالك غيابي
قالت بحب..ده مستحيل يحصل يا عواد..انا مبقتش عايشه غير بقربك
ابتسم وقال..وانا عشقت كل ما فيكي يا ورد البندر الي سرقني مني بعطرو وجمالو 🥰🌹
