خدعه حب ياسمين سالم
مرام بدموع: مش بحبك، بعشقك يا سليم.
سليم ابتعد عنها وقال: قلب وعشق سليم. بس ليه قولتي إنك بتحبي يوسف؟ ثم مسك ذراعها وقال: وليه كنتي بتمسكي إيده؟
ضحكت بخفة وقالت: حبيبي الغيور. كانت خدعة. يوسف يبقى ابن خالتي وأخويا في الرضاعة.
ثم ضربته على رأسه بخفة وقالت: فهمت؟
ضحك سليم: عملتي عليا خدعة، بس
أحلى خدعة. وماتعرفيش كنت زي المجنون لما أشوفه ماسك إيدك، بس الصراحة جابت نتيجة. لما كنت هموت من الغيرة عليكي عرفت وقتها إني
بعشقك. وآسف على اللي قولته. انتي عارفة طول عمري بحبك انتي وعم عثمان، وكنت بناديكي، بس ماما هي اللي كانت دايمًا تقولي الكلام دا.
مرام: وأنا كمان بحبك من زمان، بس أنا خايفة نرمين هانم متوافقش على جوازنا و…
سليم: متقلقيش يا عمري. إحنا هنروح وهفاتح الموضوع مع بابا على الغدا، وأنا متأكد مليون في المية إن بابا هيفرح، وهقنع ماما. وعشان ماما ماتعملش عليكي حماه، هناخد فيلا لينا لوحدنا، أوكي؟
مرام عيونها دمعت وقالت بفرحة: أكيد طبعًا يا حبيبي.
وذهبوا إلى القصر، وكل واحد دخل غير ملابسه، وجاء وقت الغداء، والكل نزل.
وبعدها سليم نزل وسلم عليهم.
وكان هيلدا يأكل، راح ساب المعلقة وقال: فين مرام؟
نرمين: غريبة بتسأل عنها يعني.
رأفت أبو سليم: مرام كانت هنا ومش عارف راحت فين.
سليم: يا طنط نادية، طنط نادية!
نادية: في إيه يا ابني؟
سليم: فين مرام؟
نادية: مراااام يا مرااام!
مرام: نعم يا ماما؟
نادية: سليم
عايزك.
سليم: وعايزك انتي كمان يا طنط وعمو عثمان.
نادية نادت على عثمان، وجه هو كمان.
رأفت: في إيه يا سليم؟ قلقتني.
سليم: احم احم، أنا عايز أتجوز.
ضحك رأفت وقال: الف مبروك، طيب مين بنت الحلال؟
نرمين بفرحة: بجد يا حبيبي؟ ألف مبروك. مين يا حبيبي؟
عثمان ونادية: الف مبروووك.
سليم رفع بصره على مرام، اللي مكثوفة ووجهها صار بلون الطماطم.
سليم: مرااام.
الكل انصدم.
رأفت: الف مبروك يا حبيبي، مبروك يا مرام، يا زين ما اخترت.
نرمين: انت بتقول إيه يا سليم؟ وانت كمان يا رأفت؟
تجاهلوها كل من سليم ورأفت.
سليم: أنا طالب إيد بنتك مرام.
عثمان: يا ابني ليه؟ مش اشمعنا مرام؟ مرام مش من مس…
قاطعه رأفت: عثمان، بلاش الكلام دا. إحنا كلنا عائلة واحدة.
ابتسم عثمان: والله وأنا يشرفني يا رأفت بيه، بس أهم حاجة رأي العروسة.
