خدعه حب ياسمين سالم
طلع الدور الرابع بسرعة وهو مش طايق نفسه بسبب مرام.
دخل على السكرتيرة والتي تدعى سالي.
سالي بهيام: سليم مالك؟
وقربت منه بدلع، زقها سليم بغضب: ابعدي، انتي مجنونة؟ واسمي سليم بيه فاهمة.
ودخل المكتب ورزع الباب وراه.
سالي: ماله دا النهارده؟ شكله متعصب.
سليم فضل يفكر مين ويقرب إيه لمرام، ويا ترى في بينهم حاجة؟
وبعدها قال بغرور: أكيد لأ، لسه كانت بتعترفلي الصبح إنها بتحبني وأنا اللي رفضت حبها. أكيد مش هتحب حد غيري.
وبعدها كسر الحاجات اللي قدامه وقال بغضب: أماااال مين دا اللي كان قريب منها؟
أما عند مرام، فكانت هديت وقالت إنها لازم تنتقم لكرامتها اللي داس عليها سليم.
ودخلت تغير وكانت محتارة تلبس إيه، وكانت بتتفرج على اللبس وحطت إيدها على فستان وافتكرت فلااااااش.
كانت مرام لابسة فستان يصل لقبل الركبة وبحمالة رفيعة، ولونه السماوي الذي يشبه عيونها، ولمت شعرها في كعكة فوضوية، ووضعت بعض المكياج وأحمر شفايف غامق، وكانت رايحة الجامعة.
وراحت عند سليم زي ما اتعودت وقربت منه وهو نايم وبدأت تصحيه وقالت بتزمر: قووم بقى يا سليم.
سليم قام واتتفاجأ بيها ومس عيونه كأنه بيتأكد إنها فعلًا مرام.
مرام: انت ساعدني إنك أول يوم هتوديني الجامعة بنفسك، مش كدا؟ يلا بقى عشان هتأخر، ودا أول يوم ماينفعش.
سليم انتفض من على السرير ونظر إليها بصدمة لأنه كان أول مرة يراها بهذا الشكل، وكمان وضعت مكياج.
بلع ريقه بصعوبة وقال بصدمة: إيه
اللبس دا؟
مرام بفرحة مازحة وبدأت تدور بالفستان وقالت: حلو يا سليم الفستان الجديد؟
سليم مسكها فجأة من إيدها جامد وقال بغيرة: انتي اتجننتي؟ روحي اقلعي الوقت دا وامسحي اللي في وشك دا.
مرام ببكاء: سليم هو شكلي وحش؟
سليم: آه يقرف. روحي اقلعي الزفت دا وإياكي تلبسي حاجة زي دي تاني، وكمان تحطي من القرف دا على وشك.
ووقعت سليم بعصبية.
مرام قامت من على الأرض ونزلت بسرعة وعيطت، بعدها قامت وغيرت اللبس لبنطلون جينز وبلوزة بيضاء ومسحت المكياج.
وبعدها سليم خبط على غرفتها ودخل وقال بمرح: الجميل شكله زعلان وعايز حد يصالحه.
مرام لفت وشها بطفولة وقالت: انت عايز إيه؟
سليم: كنت جايبلك هدية بمناسبة الجامعة، بس بقى انتي شكلك زعلانة.
لفت بسرعة مرام وقالت بفرحة: بجد يا سليم؟ وريني كدا.
